The news is by your side.

Advertisement

پاکستان ترکی تجارتی تعلقات مزید مضبوط ہورہے ہیں، ترک قونصل جنرل

کراچی : جمہوریہ ترکی کے قونصل جنرل تولگا یوکیک نے کہا ہے کہ افغانستان میں امن کا قیام بہت ضروری ہے، پاک ترک تجارتی تعلقات مزید مضبوط ہورہے ہیں۔

جمہوریہ ترکی کے قونصل جنرل تولگا یوکیک نے کراچی میں صحافیوں سے گفتگو کرتے ہوئے کہا کہ ترکی خطے کی صورتحال پر مکمل نظر رکھے ہوئے ہے افغانستان میں امن کا قیام بہت ضروری ہے۔

انہوں نے کہا کہ پاکستان سے برادرانہ تعلقات ہیں ہر آزمائش کی گھڑی میں پاکستان اور ترکی پورے اترے ہیں، سماجی اور ثقافی شعبوں میں بھی ایک دوسرے کی مدد کررہے ہیں۔

ترکی کے قونصل جنرل نے کراچی میں میڈیا سے گفتگو کرتے ہوئے کہا کہ عوام نے بہادری کی جو داستان رقم کی وہ ہمیشہ ترک عوام کی ملک اور جمہوریت کی سربلندی میں یاد رکھی جائے گی، ترکی آج ترقی کی راہ پر گامزن ہے۔

قونصل جنرل کا کہنا تھا کہ ترکی پاکستا ن کے ساتھ دفاع سمیت مختلف شعبوں میں تعاون کررہا ہے، پاکستان نیوی کے لیے ترک شپ یارڈ میں دو جہاز تیار کیے جارہے ہیں۔

ترکی کے قونصل جنرل نے کہا کہ پاکستان میں ترکی کے28 تعلیمی ادارے کام کررہے ہیں جن میں 3 کراچی اور 6 بقایا سندھ میں موجود ہے، دونوں ملکوں کے درمیان تجارت میں بھی اضافہ ہورہا ہے جس سے مجموعی طور پر خوشحالی آئے گی۔

Comments

یہ بھی پڑھیں