The news is by your side.

Advertisement

‘دونوں ٹیمیں جیت کیلئےجائیں گی مقابلہ دلچسپ ہو گا’

پاکستان ٹیم کے بیٹنگ کوچ محمد یوسف نے بلے بازوں کی کارکردگی کو تسلی بخش قرار دیتے ہوئے اس امید کا اظہار کیا ہے کہ اچھا کھیل کر آسٹریلیا کے خلاف لاہور ٹیسٹ جیتیں گے۔

چوتھے دن کھیل کے اختتام پر آن لائن پریس کانفرنس میں محمد یوسف نے کہا کہ پاکستان کے بیٹرز اس وقت تک اچھا کھیلے ہیں امید ہےکل بھی اچھاکھیلیں گےاور جیتیں گے۔

محمدیوسف نے کہا کہ کوشش یہی ہےکہ پانچویں روز جیتنے کیلئے جائیں سیریز میں مجموعی طور پر بیٹرز نےاچھی بیٹنگ کی آخری روز دونوں ٹیمیں جیت کیلئےجائیں گی مقابلہ دلچسپ ہوُ گا۔

بیٹنگ کوچ کا کہنا تھا کہ آسٹریلیا نے بولڈ فیصلہ کیا بہادری سے فیصلہ کر کے نتیجے کی طرف گئے خیال تھاکہ آسٹریلیا 5، 4اوور مزید کھیلے گا اور 380 رنز تک جائے گا پانچویں روز کھیلنا آسان نہیں ہوتا لیکن ہمارا ہدف جیت ہے کمنز اور اسٹارک ٹاپ کلاس بولرز ہیں ان کی ریورس سوئنگ کھیلنا ہوگی۔

آؤٹ آف فارم بلے باز سے متعلق سوال پر سابق کپتان نے کہا کہ فوادعالم ہی نہیں سب کھلاڑی اس صورتحال سے گزرتے ہیں فوادعالم محنت کر رہے ہیں جلدفارم میں واپس آئیں گے، کراچی میں بابراعظم آؤٹ نہ ہوتے تو پلان یہی تھا جیت کیلئےجائیں گے۔

Comments

یہ بھی پڑھیں