The news is by your side.

Advertisement

پاک افغان میچ میں پاکستانی شائقین پر حملہ آور افغان شرپسندوں کی تصاویر جاری

لیڈز : پاک افغان میچ کے دوران پاکستانی شائقین پرحملہ کرنے والے افغان شرپسندوں کی تصاویر جاری کردی گئیں، ویسٹ یارکشائر پولیس کا کہنا ہے کہ واقعے میں ملوث افراد کیخلاف سخت کارروائی کی جائے گی۔

تفصیلات کے مطابق ورلڈ کپ 2019 کے دوران پاکستان اور افغانستان کی کرکٹ ٹیموں کے درمیان کھیلے جانے والے میچ کے فوری بعد مشتعل افراد نے پاکستانی کھلاڑیوں اور شائقین پر حملہ کی کوشش کی تھی۔

اس موقع پر مقامی سکیورٹی اہلکاروں نے چند افراد کو حراست میں لے لیا تھا، ویسٹ یارکشائر پولیس نے پاک افغان میچ میں پاکستانی شائقین پرحملہ آور افغان شرپسندوں کی تصاویرجاری کردی ہیں۔

ویسٹ یارکشائر پولیس نے مزید9افغان شر پسندوں کی تصاویر جاری کی ہیں، پولیس نے سی سی ٹی وی کیمرے کی مدد سے ان افراد کی نشاندہی کی۔

اس حوالے سے ویسٹ یارکشائر پولیس کا کہنا ہے کہ میچ کے دوران بدنظمی کے چار واقعات پیش آئے تھے، ہلڑبازی، ہاتھاپائی اور اسٹیڈیم میں زبردستی گھسنے کے الزام میں چار افراد کو فوری طور پر گرفتار کیا تھا۔

پولیس کو اب باقی 9افراد کی تلاش ہے، ویسٹ یارکشائر پولیس حکام کا کہنا ہے کہ ایسا رویہ کسی صورت قابل قبول نہیں ہے، واقعے میں ملوث افراد کیخلاف سخت کارروائی کی جائے گی۔

مزید پڑھیں: پاکستان بمقابلہ افغانستان، لندن پولیس کی چار افراد کو گرفتار کرنے کی تصدیق

یاد رہے کہ پاکستان اور افغانستان کی ٹیموں کے مابین لیڈز اسٹیڈیم میں کھیلے گئے میچ میں اپنی ٹیم کی شکست دیکھ کر افغان تماشائی ایک بار پھر بپھر گئے اور پاکستانی شائقین پر حملہ کردیا۔

افغان تماشائیوں نے اسٹیڈیم میں موجود پاکستانی پرستاروں پر بوتلیں ماریں۔ بعد ازاں لندن پولیس نے پاکستان اور افغانستان کے میچ میں ہنگامہ آرائی کرنے والے چار افراد کو حراست میں لینے کی تصدیق کردی تھی۔

لندن کی ویسٹ ورکشائر پولیس نے اسٹیڈیم میں زبردستی داخل ہونے اور میچ کے دوران حالات خراب کرنے میں ملوث چار افراد کو موقع پرگرفتار کرلیا تھا۔

Comments

comments

یہ بھی پڑھیں