لاہور: پاکستان نے آسٹریلیا کو پہلے ٹی 20 میچ میں باآسانی 22 رنز سے شکست دے دی۔
قذافی اسٹیڈیم میں کھیلے گئے پہلے ٹی 20 میچ میں پاکستان کی جانب سے دیے گئے 169 رنز کے تعاقب میں مہمان ٹیم مقررہ اوورز میں 8 وکٹوں کے نقصان پر 146 رنز بناسکی، صائم ایوب کو آل راؤنڈ کارکردگی پر میچ کا بہترین کھلاڑی قرار دیا گیا۔
کیمرون گرین 36 اور زیویر بارٹلیٹ 34 رنز کے ساتھ نمایاں رہے، کپتان ٹریوس ہیڈ نے 13 گیندوں پر 23 رنز بنائے، میتھیو شارٹ 5 رنز بنا کر آؤٹ ہوئے۔
View this post on Instagram
پاکستان کی جانب سے صائم ایوب اور ابرار احمد نے دو، دو کھلاڑیوں کو آؤٹ کیا، شاداب خان اور محمد نواز نے ایک، ایک وکٹ حاصل کی۔
View this post on Instagram
اس سے قبل پاکستان نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 168 رنز بنائے اور آسٹریلیا کو 169 رنز کا ہدف دیا تھا۔
اوپنر صائم ایوب 40 اور کپتان سلمان علی آغا 39 رنز بنا کر نمایاں رہے۔
View this post on Instagram
بابر اعظم 20 گیندوں پر 24 رنز بنا کر آؤٹ ہوئے، فخر زمان کا بلا بھی رنز نہیں اگل سکا اور وہ 16 گیندوں پر صرف 10 رنز بنا کر پویلین لوٹ گئے۔
وکٹ کیپر بیٹر عثمان خان 18 اور محمد نواز نے 15 رنز اسکور کیے، شاداب خان ایک، صاحبزادہ فرحان بغیر کوئی رن بنائے آؤٹ ہوئے۔
View this post on Instagram
آسٹریلیا کی جانب سے ایڈم زمپا نے 24 رنز کے عوض چار کھلاڑیوں کو آؤٹ کیا، زیویئر بارٹلیٹ اور بیئرڈ مین نے 2، 2 وکٹیں حاصل کیں۔
قومی ٹی ٹوئنٹی ٹیم کے کپتان سلمان علی آغا کا ٹاس کے موقع پر کہنا تھا کہ آسٹریلیا کی ٹیم اچھی ہے کوشش کریں گے اچھا کھیلیں۔ انہوں نے بتایا کہ آج کے میچ میں ہم نے دو فاسٹ بولرزکھلائے ہیں۔
View this post on Instagram
آسٹریلوی ٹیم کے کپتان ٹریوس ہیڈ کا کہنا تھا کہ آج 3 ڈیبیو کروائیں ہیں پلیئرزکے پاس اچھا موقع ہے، ورلڈکپ کی تیاری کیلیے سیریز اہم ہے، سری لنکا میں بھی ایسی ہی کنڈیشنز ملتی ہیں۔
View this post on Instagram
اے آر وائی نیوز کی ڈیجیٹل ڈیسک کی جانب سے شائع کی گئی خبریں