The news is by your side.

Advertisement

دوسرا ٹیسٹ : پاکستان اور آسٹریلیا کی کرکٹ ٹیمیں آج مد مقابل ہوں گی

ایڈیلیڈ : پاکستان اور آسٹریلیا کے درمیان دوسرا اور آخری کرکٹ ٹیسٹ آج بروز جمعہ سے ایڈیلیڈ میں کھیلا جائیگا، یہ کرکٹ کی تاریخ کا تیرھواں پنک بال ٹیسٹ ہوگا، پاکستان سیریز میں ایک صفر سے پیچھے ہے۔

تفصیلات کے مطابق پاکستان اور آسٹریلیا کے درمیان دوسرا کرکٹ ٹیسٹ آج ایڈیلیڈ میں شروع ہوگا، ڈے نائٹ ٹیسٹ گلابی گیند سے
کھیلاجائے گا، حارث سہیل، عمران اور نسیم کو ڈراپ کئے جانے کا امکان ہے، امام الحق، عباس اور موسٰی فائنل الیون کا حصہ ہوسکتے ہیں۔

 آسٹریلیا کو دو میچوں کی سیریز میں ایک صفر سے برتری حاصل ہے۔ جمعہ کو شروع ہونے والے ٹیسٹ میچ میں اصل امتحان پاکستانی بلے بازوں کا ہوگا، پاکستان کا سامنا اسٹارک ، ہيزل ووڈ اور کمنز سے ہوگا۔

قومی ٹیم غلطیوں کو نہ دہرا کر سیریز میں واپسی کا عزم لیے دوسرے روز بھی ایڈلیڈ میں پریکٹس میں مصروف رہی، ایڈلیڈ میں اسپنرز کو مدد ملے گی، یاسرشاہ کا بھی کردار اہم ہوگا۔

یاد رہے کہ ایڈیلیڈ میں پاکستان اب تک کوئی میچ نہیں جیتا، شائقین کو اس بات کا بے صبری سے انتظار ہے کہ کیا قومی ٹیم اس بار تاریخ بدل پائے گی؟

fb-share-icon0
Tweet 20

Comments

comments

یہ بھی پڑھیں