blind بلائنڈ کرکٹ ورلڈ کپ: پاکستان نے بنگلہ دیش کو نو وکٹ سے ہرا دیا
The news is by your side.

Advertisement

بلائنڈ کرکٹ ورلڈ کپ: پاکستان نے بنگلہ دیش کو نو وکٹ سے ہرا دیا

لاہور: بلائنڈ کرکٹ ورلڈ کپ کے پہلے میچ میں پاکستان ٹیم نے فاتحانہ آغاز کرتے ہوئے بنگلادیش کو نو وکٹ سے شکست دے دی، پاکستان نے208رنزکا ہدف17ویں اوور میں ہی حاصل کرلیا، بدرمنیر نے70گیندوں پر145رنزکی ناٹ آؤٹ اننگز کھیلی۔

تفصیلات کے مطابق یو اے ای اور پاکستان میں مشترکہ طور پر کھیلے جانے والے پانچویں بلائنڈ کرکٹ ورلڈ کپ میں لاہور کے قذافی اسٹیڈیم میں کھیلے گئے میچ میں پاکستان ٹیم نے ٹاس جیت کر بنگلہ دیش کو بیٹنگ کی دعوت دی، بنگلہ دیش نے مقررہ چالیس اوورز میں چھ وکٹوں پر دو سو سات رنز بنائے۔

بدر منیر نے تین کھلاڑیوں کو آؤٹ کیا۔ ہدف کے تعاقب میں پاکستانی بلے بازوں نے انتہائی عمدہ بیٹنگ کا مظاہرہ کیا، پاکستان ٹیم نے مطلوبہ ہدف بدر منیر کی دھواں دھار بیٹنگ کی بدولت سترہ اوور میں ایک وکٹ پر حاصل کرلیا۔

بدرمنیر نے ستر گیندوں پر ایک سو پنتالیس رنز کی جارحانہ اننگز کھیلی جبکہ عامر اشفاق نے46شاندار رنز بنا کر اپنی ٹیم کو فتح دلانے میں اہم کردار ادا کیا، آل راؤنڈ کارکردگی پر بدر منیر میچ کے بہترین کھلاڑی قرار پائے۔


مزید پڑھیں: بلائنڈ کرکٹ ورلڈ کپ،بھارتی حکومت کا ٹیم کو پاکستان بھیجنے سے انکار


یاد رہے کہ بھارتی حکومت نے روایتی بے حسی کا مظاہرہ کرتے ہوئے پانچویں بلائنڈ کرکٹ ورلڈ کپ کے لئے اپنی ٹیم پاکستان بھیجنے سے انکار کردیا تھا، بھارت کی جانب سے انکار کے بعد ایونٹ کے شیڈول میں تبدیلی کی گئی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔ 

Comments

comments

یہ بھی پڑھیں