دوسرا ویمنزٹی ٹوئنٹی، پاکستان نے بنگلہ دیش کو شکست دیکر کلین سوئپ کردیا -
The news is by your side.

Advertisement

دوسرا ویمنزٹی ٹوئنٹی، پاکستان نے بنگلہ دیش کو شکست دیکر کلین سوئپ کردیا

کراچی : پاکستان ویمنز ٹیم نے بنگلہ دیش کو دوسرے ٹی ٹوئنٹی میں بھی شکست دےکر سیریز میں کلین سوئپ کرلیا۔پاکستان کی بسمعہ معروف نے سیریز میں شاندار کارکردگی کا مظاہرہ کیا۔

تفصیلات کے مطابق کراچی کے ساؤتھ اینڈ کلب میں کھیلے جانے والے دوسرے ٹی ٹوئنٹی کا میدان بھی پاکستان ویمنز ٹیم کے نام رہا۔

پاکستانی کپتان ثنا میر نے ٹاس جیت کر پہلے بیٹنگ کا فیصلہ کیا۔ پہلے میچ میں عمدہ کارکردگی دکھانے والی بسمعہ معروف دوسرے میچ میں بھی چھائی رہیں۔

بسمعہ معروف نے ناٹ آؤٹ چوالیس رنز کی شانداراننگز کھیلی۔ اوپنر مرینا اقبال نے تنتیس رنز اسکور کئے۔

پاکستان نے مقررہ بیس اوورز میں چھ وکٹوں پر ایک سو چودہ رنزبنائے۔ جواب میں بنگلہ دیش ویمنز ٹیم ابتداء سے ہی مشکلات کا شکار رہی۔

جلد وکٹیں گرنے کے باعث مہمان ٹیم کے لئے ہدف حاصل کرنا مشکل ہوگیا۔ بنگلہ دیش کی ٹیم مقررہ اوورز میں سات وکٹوں پر اسی رنز ہی بناسکی۔

ندا ڈار اور سمیہ صدیقی نے دو دو وکٹیں حاصل کیں۔ بسمعہ معروف کو آل راونڈ کارکردگی پر سیریز کا بہترین کھلاڑی قرار دیا گیا۔

Comments

comments

یہ بھی پڑھیں