The news is by your side.

Advertisement

پاکستان اور انگلینڈ کے درمیان کرکٹ سیریز 13 اکتوبر سے شروع ہوگی

دبئی : پاکستان کے خلاف سیریز کھیلنے کے لئے انگلینڈ کی ٹیم متحدہ عرب امارات پہنچ گئی۔ شاہینوں نے چھوٹی ٹیم سے کھیل لیا۔ اب بڑی ٹیم سے بڑا مقابلہ ہوگا ۔

تفصیلات کے مطابق پاکستان اور انگلینڈ کے درمیان پہلا ٹیسٹ میچ 13 اکتوبر سے ہوگا، یو اے ای میں رواں ماہ پاکستان اور انگلینڈ کی ٹیموں کے درمیان گھمسان کا رن پڑے گا۔

پاک انگلینڈ سیریز تین ٹیسٹ، چار ون ڈے اور تین ٹی ٹوئنٹی پر مشتمل ہے۔ انگلش ٹیم نے سیریز کھیلنے کے لئے متحدہ عرب امارات میں ڈیرے ڈال لئےہیں۔

دبئی کے اسپورٹس سٹی اسٹیڈیم میں انگلش ٹیم پریکٹس میں اپنے ہتھیار تیز کررہی ہے۔ دونوں ٹیموں میں اسپنرز کا کردار اہم ہوگا۔

انگلش کپتان ایلسٹر کک نے پاکستان کے خلاف سیریز کو چیلنج قرار دیا ہے۔ قومی ٹیم دورہ زمبابوے مکمل کرنے کے بعد یو اے ای میں انٹری دے گی اور پھرکڑا مقابلہ ہوگا۔

تیرہ اکتوبر کو پہلے ٹیسٹ سے قبل دونوں ٹیمیں پریکٹس میچ میں آمنے سامنے ہوں گی۔

Print Friendly, PDF & Email

Comments

comments

یہ بھی پڑھیں