site
stats
کھیل

پاکستان اور انگلینڈ کے درمیان پہلا ون ڈے آج کھیلا جائے گا

ساؤتھمپٹن : انگلینڈ اور پاکستان کے درمیان ایک روزہ میچز کی سیریز کا پہلا میچ آج پاکستانی وقت کے مطابق شام 6 بجے کھیلا جا ئے گا

تفصیلات کے مطابق پانچ ایک روزہ میچز کی سیریز کا پہلا ساؤتھمپٹن میں کھلاجائے گا دونوں ٹیموں نے میچ سے قبل بھرپور پریکٹس کی ہے۔

واضح رہے پاکستان 2005 کے بعد سے انگلینڈ کے خلاف ایک بھی ون ڈے سیریز نہیں جیت سکا ہے، 2006 کے بعد سے باہمی مقابلوں میں انگلش ٹیم 18 میں سے 12 ون ڈے جیت چکی ہے جب کہ آخری 9 میچوں میں سے انگلینڈ کو 8 میچوں میں کامیابی حاصل ہوئی ہے۔

پاکستانی ٹیم میں جگہ پانے والے کھلاڑیوں میں کپتان اظہر علی،محمد حفیظ ،بابراعظم،حسن علی،عماد وسیم،محمد عامر،محمد نواز، محمد رضوان،سمیع اسلم،سرفراز احمد، شرجیل خان،شعیب ملک،عمر گل،وہاب ریاض اور یاسر شاہ شامل ہیں۔

دوسری جانب انگلینڈ کی ٹیم میں ایون مارگن،معین علی،جانی بیئرسٹو،جیک بال،جاز بٹلر.ڈاؤسن،الیکس ہیلز، کرس ہیلز،لائم پلینکٹ،عادل رشید،جوئے روٹ،جیسن رائے،بین اسٹوکس،ڈیوڈ ویلی،کرس ووکس اور مارک ووڈ شامل ہیں۔

2005 میں پاکستان نے ہوم گراؤنڈ پر انگلینڈ کو زیر کیا تھا جس کےبعد 2006 کی سیریز ڈرا ہوئی تھی جب کہ 2010، 2012 اور2015 کی سیریز میں پاکستان کو شکست کا سامنا کرنا پڑا تھا۔

آج دونوں ٹیمیں کانٹے دارمقابلے کے لیے تیارہیں گو کہ انگلینڈ ٹیم کو ایک روزہ میچز میں برتری حاصل ہے تا ہم پاکستانی ٹیم ٹیسٹ سیریز برابر اور آئر لینڈ سے ایک روزہ میچ میں کامیابی کے بعد زیادہ پراعتماد نظر آتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top