The news is by your side.

Advertisement

پاکستان بمقابلہ انگلینڈ، ٹی ٹوئنٹی سیریز کا دوسرا میچ آج دبئی میں کھیلا جائیگا

دبئی : پاکستان اور انگلینڈ کے درمیان ٹی ٹوئنٹی سیریز کا دوسرا میچ آج دبئی میں ہی کھیلا جائے گا، میچ پاکستانی وقت کے مطابق رات نو بجے شروع ہوگا۔

پاکستانی ٹی ٹوئنٹی ٹیم شاہد آفریدی کی قیادت میں نئے جذبے کیساتھ میدان میں اترے گی.اس سے قبل پاکستان کیخلاف انگلینڈ نے پہلے ٹی ٹوئنٹی میچ میں چودہ رنز سے میدان مار لیا، تین میچوں کی سیریز میں انگلش ٹیم کو ایک صفر کی برتری مل گئی۔

مہمان ٹیم نے پہلے بلے بازی کرتے ہوئے پانچ وکٹوں پر ایک سو ساٹھ رنز بنائے، ہدف کے تعاقب میں پاکستانی بلے بازوں نے غیر ذمہ داری کا مظاہرہ کیا اور وقفے وقفے سے اپنی وکٹیں گنواتے رہے ، صہیب مقصود چوبیس،عمر اکمل انیس اور اپنا پہلا انٹرنیشنل کھیلنے والے رفعت اللہ مہمند سولہ رنز بناکر قابل ذکر رہے ۔

انگلینڈ کے تمام بولرز نےعمدہ بولنگ کا مظاہرہ کیا، پلنکٹ اور ٹوپلے نے تین،تین کھلاڑیوں کو آؤٹ کیا جبکہ اسٹیفن پرے نے دو وکٹیں حاصل کیں ۔

اس سے قبل پاکستان نے تین ٹسٹ میچوں کی سیریز 2-0سے جیتی جبکہ ونڈے سیریز میں انگلینڈ نے 3-1 سے کامیابی حاصل کی ہے

Print Friendly, PDF & Email

Comments

comments

یہ بھی پڑھیں