site
stats
کھیل

پاک بھارت کرکٹ سیریز کے امکانات ایک بار پھرروشن

دبئی : پاکستان اور بھارت کے درمیان آئندہ ماہ سیریز کے امکانات ایک بار پھرروشن ہوگئے۔ سیریز سری لنکا میں کھیلے جانے کا امکان ہے۔

تفصیلات کے مطابق شہر یار خان کی آئی سی سی حکام سے ملاقات ہوئی تھی لیکن اس میں کوئی حوصلہ افزا بات نہیں بن سکی تھی۔

آئی سی سی ہیڈکوارٹرز میں ہونے والی پاک بھارت میٹنگ بے نیتجہ ثابت ہوئی، دونوں بورڈز کے سربراہان اپنے موقف پر ڈٹے رہے، لیکن اب نئی باتیں منظر عام پر آرہی ہیں۔

ذرائع کے مطابق پاکستان اور بھارت کے کرکٹ بورڈ کے سربراہان نے میٹنگ کے دوران تیسرا آپشن یعنی سری لنکا پر کھیلنے پر اتفاق کیا ہے۔

ذرائع کا کہنا ہے کہ سری لنکا میں سیریزکاحتمی فیصلہ پاکستان اور بھارت کی حکومتیں کرینگی۔ بنگلہ دیش کو سیکیورٹی خدشات کی وجہ متبادل وینیو کی فہرست سے خارج کردیا گیا ہے۔

اس آپشن پر بھارتی کرکٹ بورڈ ستائیس نومبر کو اپنے ہونے والے اجلاس میں غور کریگا۔ سیریز سری لنکا میں کھیلنے کے آپشن پر دونوں بورڈز نے لچک کا مظاہرہ کیا ہے۔

سیریز پانچ ون ڈے یا تین ون ڈے اور دو ٹی ٹوئنٹی پر مشتمل ہوسکتی ہے۔ پاک بھارت سیریز کا اونٹ اب کس کروٹ بیٹھے گا۔ حتمی فیصلہ آئندہ چند روز میں ہوجائے گا۔

 

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top