تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاک بھارت میچ : امپائر کے متنازعہ فیصلے پرگرانٹ ایلیٹ بھی بول پڑے

عالمی ٹی ٹوئنٹی کپ میں پاک بھارت میچ کے دوران دی جانے والی نوبال کا تنازعہ شدت پکڑتا جارہا ہے، دنیا بھر کے دیگر کھلاڑیوں سمیت نیوزی لینڈ کے سابق آل راؤنڈر بھی اس فیصلے سے مطمئن نظر نہیں آریے۔

تفصیلات کے مطابق میلبورن میں کھیلے گئے میچ کا بیسواں اور آخری اوور کرانے کے لیے محمد نواز نے کوہلی کو اوور کی چوتھی گیند فل ٹاس کرائی جس پر کوہلی نے چھکا مارا۔

جس کے فوری بعد انہوں نے امپائر سے نو بال کی اپیل کی جس پر امپائر نے کسی حیل و حجت کے اسے نو بال قرار دے دیا، جس نے بھارت کی ناممکن جیت کو آسان بنا دیا۔

اس تمام صورتحال کو براہ راست دیکھ کر دنیا بھر کے نامور کھلاڑیوں نے اس عمل کو تنقید کا نشانہ بناتے ہوئے سوالات کھڑے کردیے۔

اس حوالے سے سابق کیوی آل راؤنڈر بھی ناخوش نظر آرہے ہیں سابق کیوی کرکٹر گرانٹ ایلیٹ نے پاک بھارت میچ پر اپنا ماہرانہ تبصرہ کیا ہے۔

سماجی رابطے کی ویب سائٹ ٹوئٹر پر سابق آل راؤنڈر نے نو بال پر بولڈ ہونے اور بائے پر تین رنز ہونے پر سوال اٹھاتے ہوئے کہا کہ مجھے ایسا کیوں لگ رہا ہے کہ ورلڈ کپ کے بعد یہ قانون تبدیل ہوسکتا ہے۔

اپنے پیغام میں ان کا کہنا ہے کہ ہم سب یہ سوچنے پر مجبور کیوں ہیں کہ نو بال پر بولڈ ہونے والے کا رن لینے کا قانون تبدیل ہونا چاہیے۔

یاد رہے کہ اس سے قبل سابق آسٹریلوی کرکٹر بریڈ ہوگ نے پاک بھارت میچ میں سنسنی خیز مقابلے کے دوران امپائرنگ کو مشکوک قرار دیا تھا۔ ’ویرات کوہلی نے آخری اوور کی تیسری گیند پر چھکا مارا اور پھر امپائر سے مطالبہ کیا کہ یہ نو بال ہے اور فیلڈ امپائر نے اسے نو بال قرار دیدیا، تو اس نوبال پر ریویو کیوں نہیں لیا گیا۔

پھر انہوں نے سوال اٹھایا کہ جب کہ نوبال سے اگلی گیند (فری ہٹ) پر ویرات کلین بولڈ ہوئے تو اس بال کو ڈیڈ بال کیوں قرار نہیں دیا گیا۔

Comments

- Advertisement -