The news is by your side.

Advertisement

پاک بھارت کرکٹ مقابلہ اتوار کو ہوگا، بارش کا امکان

برمنگھم : پاکستان اور بھارت کی کرکٹ ٹیموں کے درمیان اہم ٹاکرا 4 جون اتوار کو برمنگھم میں ہوگا، آئی سی سی چیمپئنز ٹرافی کا سب سے بڑا ٹاکرا بارش سے متاثر ہونے کا خدشہ ہے۔

تفصیلات کے مطابق آئی سی سی چیمپئنز ٹرافی کا سب سے بڑا مقابلہ 4 جون کو پاکستان اور بھارت کے درمیان ہوگا، اس میچ کو نہ صرف بھارت اور پاکستان کے شائقین کرکٹ بلکہ پوری دنیا سے لوگ انتہائی دلچسپی سے دیکھتے ہیں۔

دونوں ٹیموں نے جیت کے لیے تیاریاں مکمل کرلیں، موسم کی خبر دینے والوں کا کہنا کہ اتوار کے روز بارش کا خدشہ جس کے پیش نظر مذکورہ میچ ملتوی یا محدود ہو سکتا ہے۔

برمنگھم میں پاک بھارت ٹیموں کے ساتھ بادل بھی پہنچ گئے ہیں۔ محکمہ موسمیات نے آئندہ دو سے تین روز تک تیز بارشوں کی پیشگوئی کی ہے۔

دوسری جانب سرفراز الیون کی بڑے میچ کے لیے بڑی تیاریاں بھی جاری ہیں۔ اس اہم میچ میں سرفرازاحمد بھارت کے خلاف پہلی بار قومی ٹیم کپتانی کر رہے ہیں مگر دوسری جانب تجربہ کار ویرات کوہلی ہیں۔ دونوں کپنانوں کا مزاج جارحانہ ہے۔

کرکٹ کے پنڈت کپتانی، تجربے اور کارکردگی کے میدان میں کوہلی الیون کو زیادہ نمبر دے رہے ہیں لیکن اس بات سے بھی انکار نہیں کہ شاہین کسی بھی دشمن کے منہ سے جیت کا نوالہ کہیں بھی اور کبھی بھی چھین سکتے ہیں۔

دنیا بھر سے افراد پاک بھارت میچ دیکھنے کے لیے برمنگھم پہنچنا شروع ہوگئے ہیں۔ ہائی وولٹیچ میچ کے ٹکٹس نایاب ہوگئے ہیں ایسے میں بارش ہوگئی تو شائقین کی امیدوں پر پانی پھر جائے گا۔

یاد رہے کہ چیمپئنز ٹرافی میں آج تک پاکستان اور بھارت کی ٹیموں کے درمیان 3 مقابلے ہوئے جس میں 2 مرتبہ پاکستان کو اور ایک مرتبہ بھارت کو جیت نصیب ہوئی۔ان میچوں میں محمد یوسف دو میچ کھیل کر 168رنز کے ساتھ اب تک کے ٹاپ اسکورر ہیں جبکہ شعیب ملک نے 3 میچوں میں 150رنز بنائے۔

اسی طرح بولنگ میں پاکستان کے رانا نوید الحسن نے 2 میچز میں 6 وکٹیں اور شعیب اختر نے ایک میچ میں 4 وکٹیں حاصل کیں تھیں۔

Print Friendly, PDF & Email

Comments

comments

یہ بھی پڑھیں