پاکستان اور آئرلینڈ کی ویمن کرکٹ ٹیموں کے درمیان جاری تین ٹی ٹوئنٹی میچوں کی سیریز کے دوسرے میچ میں پاکستان نے آئرش ٹیم کو چھ وکٹوں سے شکست دیکر سیریز ایک ایک سے برابر کردی ہے۔
تفصیلات کے مطابق پاکستان کرکٹ ٹیم کی کپتان بسمہ معروف نے ٹاس جیت کر پہلے آئرلینڈ کی ٹیم کو بیٹنگ کرنے کی دعوت دی۔
بارش کی وجہ سے میچ کو 17، 17 اوورز تک محدود کیا گیا تھا، آئرش ٹیم نے مقررہ سترہ اوورز میں سات وکٹوں کے نقصان پر 118 رنز بنائے۔
ایمی ہنٹر 36 جبکہ اورلا پرینڈرگاسٹ20 رنز کے ساتھ نمایاں رہیں، پاکستان کی جانب سے ندا ڈار اور نشرا سندھو نے دو دو جبکہ فاطمہ ثنا اور عمائمہ سہیل نے ایک ایک وکٹ حاصل کی۔
.@CoolNidadar match-winner 🌟
She has now bagged the most number of player of the match awards for 🇵🇰 in Women's T20Is 🏅#PAKWvIREW | #BackOurGirls pic.twitter.com/SSKZ2oPatU
— Pakistan Cricket (@TheRealPCB) November 14, 2022
جواب میں پاکستان کی ٹیم نے مطلوبہ ہدف چار وکٹوں کے نقصان پر 16 اوورز میں حاصل کرتے ہوئے میچ چھ وکٹوں سے جیت لیا۔
🚀🚀
Ayesha Naseem's massive strike to seal Pakistan's victory 💪#PAKWvIREW | #BackOurGirls pic.twitter.com/UIDn2t05Wf
— Pakistan Cricket (@TheRealPCB) November 14, 2022
جویریہ خان 35 جبکہ ندا ڈار نے اٹھائیس رنز بنائے، آئرلینڈ کی جانب سے آرلینی کیلی نے ایک وکٹ حاصل کی، ندا ڈار کو پلیئر آف دی میچ قرار دیا گیا۔