The news is by your side.

Advertisement

لاہور: پاکستان اورعمان کی ہاکی ٹیموں کا میچ چارچارگول سے برابر

لاہور: پاکستان اورعمان کی ہاکی ٹیموں کے درمیان سیریز کا دوسرا میچ چار چار گول سے برابر ہوگیا، پاکستان کو پانچ میچز کی سیریز میں ایک صفر کی برتری حاصل ہو گئی۔

تفصیلات کے مطابق پاکستان اور اومان کی ہاکی ٹیمیں دوسرے میچ میں مدمقابل ہوئیں مگر دونوں ٹیموں کے درمیان میچ بغیر کسی نتیجے کہ چار چار گول سے برابر رہا۔

میچ میں دونوں ٹیموں کی طرف سے شاندار کھیل کا مظاہرہ کیا گیا، پاکستان کی جانب سے امجد علی نے دو، حماد انجم اوررانا عبدالوحید نے ایک ایک گول اسکور کیا۔

عمان کے کھلاڑی راشد سلیم نے مجموعی طور پر تین گول کرکے ٹیم کو شکست سے بچایا، پہلے ہاف کے اختتام پر بھی دونوں ٹیمیں دو دو گول سے برابر تھیں۔

پاکستان کو پانچ میچز کی سیریز میں ایک صفر کی برتری حاصل ہو گئی ہے۔ سیریز کا تیسرا میچ جمعے کو کھیلا جائے گا۔

Comments

comments

یہ بھی پڑھیں