The news is by your side.

Advertisement

ابوظہبی ٹیسٹ کا پہلا روز: سری لنکا کے چار وکٹ پر227رنز

ابوظہبی : پاکستان اور سری لنکا کے درمیان کھیلے جانے والے دو ٹیسٹ میچوں کی سیریز کے پہلے ٹیسٹ کے پہلے دن سری لنکا نے دو سو ستائیس رنزبنائے اور اس کے چار کھلاڑی آؤٹ ہوئے ہیں، کرونارتنے93رنز بنا کر رن آؤٹ ہو ئے۔

تفصیلات کے مطابق ابوظہبی ٹیسٹ کے پہلے روز سر ی لنکا کی بیٹنگ سست مگر پر اعتماد رہی، آئی لینڈرز نے چار وکٹ کے نقصان پر دو سو ستائیس رنزبنالئے، کرونارتنے نے تیرانوے رنز کی شاندار اننگز کھیلی۔

یاسر شاہ نے دو وکٹیں حاصل کرکے اپنے کیریئر کی ایک سو پچاس وکٹیں مکمل کر لیں، حسن علی نے 1ایک وکٹ حاصل کی، سری لنکا نے ٹاس جیت کر پہلے بیٹنگ کا فیصلہ کیا۔

اٹھارہویں اوور میں حسن علی نے پاکستانی کو بریک تھرو دلادیا، اگلے ہی اوور میں یاسر شاہ نے لہیرو تھرمانے کو آوٹ کر کے سری لنکا کو دوسرا جھٹکا دے دیا۔ اکسٹھ کے اسکور پر یاسر نے پاکستان کےلئے تیسری وکٹ حاصل کی۔

مینڈس کے آؤٹ ہوتے ہی کھانے کا وقفہ ہوگیا، پہلا سیشن پاکستانی بولرز کے نام رہا، دوسرے سیشن میں سری لنکن بلے باز ڈٹے رہے، اوپنر کرونارتنے نے چندی مل کے ساتھ سنچری شراکت بناتے ہوئے ٹیم کی پوزیشن مستحکم بنائی۔

اننگز کے تیسرے سیشن میں پاکستان کو اہم کامیابی ملی، اوپنر کرونارتنے ترانوے رنزبناکر رن آؤٹ ہوگئے، پہلے روز کے اختتام پر سری لنکا نے چار وکٹ پر دو سو ستائیس رنز بنالئے ہیں۔


مزید پڑھیں: ابوظہبی ٹیسٹ: سری لنکا کا ٹاس جیت کر بیٹنگ کا فیصلہ


کپتان چندی مل ساٹھ اور ڈیک ویلا بیالیس رنز بناکر وکٹ پر موجود ہیں، میچ میں گرفت حاصل کرنے کے لئے قومی بولرز کو دوسرےر وز جلد وکٹ حاصل کرنا ہوں گی۔

Print Friendly, PDF & Email

Comments

comments

یہ بھی پڑھیں