The news is by your side.

Advertisement

ابوظہبی ٹیسٹ کا دوسرا دن : ویسٹ انڈیز نے 4 وکٹ پر 106رنزبنا لئے

ابوظہبی : پاکستان اور ویسٹ انڈیز کے درمیان کھیلے جارہے ابوظہبی ٹیسٹ کا دوسرا روز پاکستان کےنام رہا۔ ویسٹ انڈیز نے کھیل کےاختتام تک چار وکٹ پر ایک سو چھ رنز بنالئے۔ پاکستان اپنی پہلی اننگز میں چار سو باون رنزپر آؤٹ ہوگیا تھا۔

تفصیلات کے مطابق ابوظہبی ٹیسٹ میں شاہینوں نے کالی آندھی کے گھرد گھیرا تنگ کردیا۔ کھیل کےاختتام سے دو اوورز قبل پاکستان نے بیک ٹو بیک دو وکٹیں حاصل کرکے میچ پر اپنی گرفت مضبوط کرلی۔ ویسٹ انڈیز نےاننگز کا آغاز محتاط انداز میں کیا۔

pak-post-1

ویسٹ انڈیز کی جانب سے پاکستان کے 452رنز کیخلاف جانسن اور براوو نے میدان میں اتر کر کھیل کا آغاز کیا لیکن دونوں بلے باز ہی پاکستانی باولر ز کی طوفانی گیندوں کا سامنا کرنے میں ناکام رہے اور صرف 12,43رنز بنانے میں کامیاب ہوئے۔

pak-post-2

تیسرے نمبر پر آنے والے براتھ ویٹ 21رنز بنا کر رن آوٹ ہو گئے جبکہ سیمول 30رنز بنا کر راحت علی کی گیند پر کیچ آوٹ ہو گئے۔ یاسرشاہ نے پہلے ٹیسٹ کے سنچری میکر ڈیرن براوو کو چلتا کیا۔

pak-post-3

مارلن سیموئلز اوربرتھ ویٹ کی شراکت خطرہ بننے ہی والی تھی کہ راحت علی کی گیند اپنا کام کرگئی۔ کھیل کےاختتام تک ویسٹ انڈیز نےچار وکٹ پرایک سو چھ رنزبنا لئے۔

cricket2

ویسٹ انڈیز کو خسارہ ختم کرنے کے لئے چھ وکٹوں پر مزید تین سو چھیالیس درکار ہیں۔ دوسرے روز پاکستان ایک سو چھیالیس رنزکا اضافہ کرکےآل آؤٹ ہوگیا تھا۔

cricket_main

مصباح الحق نروس نائنٹیز میں شکار ہوئے۔ یونس کی سنچری، اسد شفیق اور سرفراز کی نصف سنچری کی بدولت پاکستان پہلی میں چار سو باون رنزبنانے میں کامیاب ہوا تھا۔

مزید پڑھیں: پاکستان پہلی اننگ میں 452 رنز بناکرپویلین واپس

 قومی ٹیم کے مایہ ناز باولر یاسر شاہ نے ایک اور انتہائی شاندار اعزاز حاصل کر لیاہے ،وہ متحدہ عرب امارات میں ٹیسٹ میچوں میں 50 وکٹیں حاصل کرنے والے دوسرے باولر بن گئے جبکہ راحت ٹیسٹ کرکٹ میں پچا س سے زائد وکٹیں لینے والے لیفٹ آرم پیسر بن گئے ہیں۔

 

Comments

comments

یہ بھی پڑھیں