cricket پاکستان ویسٹ انڈیزکرکٹ سیریزکا امکان نہیں، ویسٹ انڈین میڈیا کا دعویٰ
The news is by your side.

Advertisement

پاکستان ویسٹ انڈیزکرکٹ سیریزکا امکان نہیں، ویسٹ انڈین میڈیا کا دعویٰ

کیرببین : ویسٹ انڈین میڈیا نے دعویٰ کیا ہے کہ ویسٹ انڈیز کی ٹیم رواں سال پاکستان کا دورہ نہیں کرسکتی، بورڈ اپنے اہم کھلاڑیوں کو راضی کرنے میں ناکام ہوگیا ہے۔

تفصیلات کے مطابق پاکستان اور ویسٹ انڈیز کے درمیان سیریز کے انعقاد پر خدشات کے سائے مزید گہرے ہوگئے، ویسٹ انڈین میڈیا نے دعوٰی کیا ہے کہ پاکستان اور ویسٹ انڈیز کے درمیان اس سال سیریز کا کوئی امکان نہیں ہے۔

ویسٹ انڈین میڈیا کا کہنا ہے کہ ویسٹ انڈین بورڈ کا پاکستان سے دورہ کبھی بھی طے نہیں تھا، صرف قیاس آرائیاں تھیں، اس حوالے سے ویسٹ انڈیز بورڈ اپنے اہم کھلاڑیوں کو راضی کرنے میں بھی ناکام رہا ہے۔

میڈیا کے مطابق ویسٹ انڈیز کی ٹی ٹوئنٹی ٹیم کے زیادہ تر کھلاڑی ان دنوں بنگلہ دیش پریمیئر لیگ میں مصروف ہیں۔

ذرائع کے مطابق پاکستان کرکٹ بورڈ کے عہدیداران سیریز کے انعقاد کے لئے ویسٹ انڈین بورڈ سے مسلسل رابطے میں ہیں۔

مزید پڑھیں: ویسٹ انڈیز کی ٹیم کا نام تبدیل کردیا گیا

دونوں ملکوں کے پاس دسمبر کے ابتدائی پندرہ دن دستیاب ہیں۔ اگر لاہور میں موسم بہتر ہوا اور ویسٹ انڈیز کے کھلاڑی مان گئے تو یہ سیریز اگلے ماہ کھیلی جا سکتی ہے۔

دوسری جانب ذرائع کے مطابق پی سی بی حکام کا کہنا ہے کہ پنجاب میں شدید دھند اور ویسٹ انڈیز کے کھلاڑیوں کی بنگلہ دیش پریمیئر (بی پی ایل) سے معاہدے کی وجہ سے یہ دورہ منسوخ ہونے کا امکان ہے۔

یاد رہے کہ ویسٹ انڈین اور پاکستان کرکٹ بورڈ نے فیصلہ کیا تھا کہ ٹیم نومبر میں پاکستان کا دورہ کرے گی لیکن اب اس کے امکانات بہت کم نظر آرہے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

 

Comments

comments

یہ بھی پڑھیں