پاکستان کے 168 رنز کے تعاقب میں ویسٹ انڈیز کی بیٹنگ جاری ہے اور اس نے کچھ دیر قبل تک 3 وکٹوں پر 37 رنز بنا لیے ہیں۔
جمیکا ٹیسٹ فیصلہ کن مرحلے میں داخل ہو گیا۔ پاکستان کی پوری ٹیم دوسری اننگز میں 203 رنز بناکر آؤٹ ہو گئی، بابراعظم55، فہیم اشرف20رنز بناکرآؤٹ ہوئے، عمران بٹ، فوادعالم اور شاہین شاہ بغیر کوئی رنز بنائےپویلین لوٹے۔
اوپنر عابدعلی 34، محمدرضوان30 اور اظہرعلی23رنز بنا سکے جب کہ جائیڈن سیلز نے5 اور کیمارروچ نے 3 وکٹیں حاصل کیں۔
اس سے قبل پاکستان کی پہلی اننگز کے 217 رنز کے جواب میں میزبان ٹیم 253 رنز بنا کر آؤٹ ہوئی تو اسے 36 رنز کی برتری حاصل تھی۔
ویسٹ انڈیز کی جانب سےکپتان کریگ برتھ ویٹ 97 اور جیسن ہولڈر 58 رنز بناکر نمایاں رہے، روسٹن چیز اور بلیک ووڈ نے بالترتیب 21 اور22 رنز بنائے۔
پاکستان کی جانب سے شاہین آفریدی نے4 اور محمد عباس نے3 کھلاڑیوں کو آؤٹ کیا،فہیم اشرف اور حسن علی نے ایک ، ایک وکٹ حاصل کی۔
