کراچی: پاکستان اور ویسٹ انڈیز کے درمیان نیشنل اسٹیڈیم کراچی میں کھیلی جانے والی ٹی ٹوئنٹی سیریز کے تمام آن لائن ٹکٹس فروخت ہوگئے۔
تفصیلات کے مطابق شائقین کرکٹ پاکستان اور ویسٹ انڈیز کے درمیان تین ٹی ٹوئنٹی سیزیر دیکھنے کے لیے اتنے پرجوش ہوئے کہ تمام ٹکٹس آن لائن خرید لیے اب کوئی ٹکٹس فروخت کے لیے دستیاب نہیں ہیں۔
اسٹیڈیم میں کورئیر سینٹرز کے ٹکٹس خوش نصیب افراد نے فوری خرید لیے جبکہ جنرل انکلوژر کی ٹکس کی قیمیت پانچ سو سے ہزار کے درمیان رہی تاہم اس کے بھی تمام ٹکٹس جلد فروخت ہوگئے۔
کرکٹ کا جنون اس قدر بڑھا کے شائقین نے دو ہزار سے پانچ ہزار والے ٹکٹس بھی بک کرا لیے تاہم اب شہریوں کو بھرپور مقابلے کا انتظار ہے جس کے لیے تمام تر تیاریاں مکمل کر لی گئی ہیں۔
پاک ویسٹ انڈیز سیریز، سیکیورٹی کے لیے پی ایس ایل فائنل جیسا طریقہ کار اپنایا جائے گا، ناصر حسین شاہ
خیال رہے کہ گذشتہ دنوں سیریز کے حوالے سے شہر کا سکیورٹی پلان جاری کردیا گیا ہے جس کے تحت شائقین کے لیے 7 مقامات پر پارکنگ کا انتظام کیا گیا ہے، یونیورسٹی روڈ، ڈالمیا روڈ اور کشمیر روڈ پر تین تین پارکنگ لاٹس ہوں گے جبکہ یونیورسٹی روڈ پر حکیم سعید، اردو یونیورسٹی اور اتوار بازار گراؤنڈ شامل ہیں۔
یاد رہے کہ آج صوبائی وزیر ناصر حسین شاہ کا میڈیا سے گفتگو کرتے ہوئے کہنا تھا کہ کراچی میں پی ایس ایل کے بعد ویسٹ انڈیز کے تین میچز ہورہے ہیں، پی ایس ایل فائنل جیسا طریقہ کار اپنایا جائے گا، ہمیں میڈیا کی سپورٹ کی ضرورت ہے۔
پاک ویسٹ انڈیز سیریز ، ٹریفک پلان جاری
واضح رہے کہ پاکستان اور ویسٹ انڈیز کے درمیان تین ٹی ٹوئنٹی میچز کی سیریز کا پہلا میچ یکم اپریل کو کھیلا جائے گا، دوسرا اور تیسرا میچ 2 اور 3 اپریل کو نیشنل اسٹیڈیم کراچی میں ہوگا، پاکستان کی ٹیم نے پریکٹس سیشن کا آغاز کردیا ہے جبکہ ویسٹ انڈیز کی ٹیم آج رات کراچی پہنچے گی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔
