The news is by your side.

Advertisement

پاک ویسٹ انڈیز ویمن سیریز: تماشائیوں کے لئے بڑی خوشخبری

کراچی: پاکستان میں بھی شائقین بالآخر انٹرنیشنل میچ کا لائیو ایکشن اسٹیڈیم میں جا کر دیکھ سکیں گے،این سی او سی نے پاکستان کرکٹ بورڈ کو اجازت دے دی۔

تفصیلات کے مطابق پاکستان اور ویسٹ انڈیز کے درمیان ویمن ون ڈے سیریز میں تماشائیوں کو اسٹیڈیم آنے کی اجازت مل گئی ہے، این سی او سی نے اس معاملے پر پی سی بی کو باضابطہ طور پر آگاہ کردیا ہے۔

کرونا وبا کے بعد یہ پہلا موقع ہوگا کہ پاکستانی تماشائی لائیو ایکشن کیلئے اسٹیڈیم جائیں گے، اس سے قبل نیوزی لینڈ کیخلاف ہوم سیریز کیلئےٹکٹ فروخت ہوئےلیکن میچ نہ ہوسکے۔

خیال رہے کہ پاکستان اور ویسٹ انڈیز کے درمیان ویمن ون ڈے سیریز کا پہلا میچ 8 نومبر ، دوسرا ون ڈے 11 اور آخری مقابلہ 14 نومبرکو کھیلا جائےگا۔

یہ بھی پڑھیں: ‏’انوشکا شرما‘ کی بیٹنگ کے چرچے، میمز بن گئیں

مہمان اسکواڈ میں انیسہ محمد (نائب کپتان)، عالیہ علینے، شامیلیہ کونیل، ڈینڈرا ڈوٹن، شنیتا گرمونڈ، شینلے ہنری، کیانہ جوزف، کیسیا نائٹ، کیشونا نائٹ، ہیلے میتھیوز ، چیڈن نیشن، شاکرہ سلیمان اور راشدہ ولیئیم شامل ہیں۔

مہمان ٹیم تین یوم مقامی ہوٹل میں آئسولیشن میں گزارنے کے بعد 4 نومبر کو نیشنل اسٹیڈیم میں پریکٹس کا آغاز کرے گی، پریکٹس سے قبل ٹیم کے کرونا ٹیسٹ کئے جائیں گے، اگلے دو یوم 5 اور 6 نومبر کوکراچی جمخانہ میں پریکٹس کرے گی۔ 7 نومبر کو نیشنل اسٹیڈیم میں پریکٹس ہوگی۔

Comments

یہ بھی پڑھیں