The news is by your side.

Advertisement

پہلا ون ڈے، ویسٹ انڈیز نے قومی ویمن ٹیم کو 146 رنز سے شکست دے دی

دبئی: ویسٹ انڈیز ویمن ٹیم نے پہلے ایک روزہ میچ میں قومی ویمن ٹیم کو 146 رنز سے شکست دے دی، ویسٹ انڈیز ویمن ٹیم کو تین میچوں کی سیریز میں 1-0 کی برتری حاصل ہوگئی۔

تفصیلات کے مطابق ویسٹ انڈیز ویمن ٹیم نے مقررہ اوورز میں 216 رنز بنائے اور قومی ویمن ٹیم کو 217 رنز کا ہدف دیا، ہدف کے تعاقب میں پاکستانی ویمن ٹیم 30 اوورز میں 70 رنز پر ڈھیر ہوگئی۔

ناہیدہ خان نے 23 اور کپتان جویریہ خان نے 21 رنز بنا کر نمایاں رہیں، بسمہ معروف ان فٹ ہونے کے سبب میچ نہ کھیل سکیں ان کی جگہ جویریہ خان نے قومی ویمن ٹیم کی قیادت کی۔

ویسٹ انڈیز ویمن کی جانب سے فلیچر اور ڈوٹن نے تین، تین وکٹیں حاصل کیں جبکہ ٹیلر اور کونیل کے حصے میں ایک، ایک وکٹ آسکی۔

قبل ازیں دبئی میں پاکستان اور ویسٹ انڈیز ویمن ٹیم کے درمیان ون ڈے سیریز کے پہلے میچ میں مہمان ٹیم نے ٹاس جیت کر پہلے بیٹنگ کا فیصلہ کیا۔

ویسٹ انڈیز ویمن ٹیم نے پاکستان کے خلاف مقررہ اوورز میں 216 رنز بنائے، مہمان ٹیم کی جانب سے دیندرا ڈوٹن 96 اور ٹیلر58 رنز بنا کر نمایاں رہیں۔

پاکستان ویمن ٹیم کی جانب سے کائنات امتیاز نے 3، ثنا میر اور عالیہ ریاض نے 1،1 کھلاڑی کو آؤٹ کیا۔

قومی ویمن ٹیم کی کپتان بسمہ معروف کے زخمی ہونے کی وجہ سے آئی سی سی ویمنز چیمپئن شپ سیریز کے پہلے میچ میں ٹیم کی قیادت جویریہ خان کررہی ہیں۔

پاکستان کرکٹ بورڈ کے مطابق گزشتہ روز دبئی انٹرنیشنل کرکٹ اسٹیڈیم میں ٹریننگ کے دوران بسمہ معروف کیچ پکڑتے ہوئے ساتھی فیلڈر کے ساتھ ٹکرانے سے زخمی ہوگئی تھیں، گیند ان کے جبڑے پر لگی تھی، انہیں اسٹریچر پر میدان سے باہر لے جانے کے بعد اسپتال منتقل کیا گیا تھا۔

یاد رہے کہ 3 فروری کو پاکستان ویمن ٹیم نے تین میچوں کی سریز پرمشتمل آخری ٹی ٹوئنٹی میچ میں ویسٹ انڈیز کو 12 رنز سے شکست دی تھی۔

تیسرا ٹی ٹوئنٹی : پاکستان ویمن ٹیم نے ویسٹ انڈیز کو شکست دے دی

واضح رہے کہ پاکستان اور ویسٹ انڈیز کے درمیان تین میچوں پرمشتمل ٹی ٹوئنٹی سیریز مہمان ٹیم نے 1-2 سے اپنے نام کی تھی۔

Comments

comments

یہ بھی پڑھیں