پاکستان اور زمبابوے کے درمیان تیسرا اور آخری ٹی ٹوئنٹی انٹرنیشنل آج بولاوایو میں کھیلا جائے گا۔
قومی ٹیم نے سیریز میں دو صفر کی فیصلہ کن برتری حاصل کر رکھی ہے اور سیریز میں وائٹ واش کیلئے پُرعزم ہے۔
پاکستان نے بینچ اسٹرینتھ چیک کرنے کیلئے میچ کیلئے 4 تبدیلیاں کی ہیں، اس طرح پاکستان اپنے تمام کھلاڑیوں کو سیریز میں موقع فراہم کررہا ہے۔
آج کے میچ میں سلمان علی آغا ٹیم کی قیادت کے فرائض انجام دیں گے، صائم ایوب کو آرام دیا گیا ہے اور ان کی جگہ صاحبزاہ فرحان اوپننگ کریں گے، دوسرے اوپنر عمیر بن یوسف ہیں۔
ون ڈاؤن کی پوزیشن پر عثمان خان کھیلیں گے، چوتھے نمبر پر کپتان سلمان علی آغا بیٹنگ کرنے کے لیے آئیں گے، طیب طاہر، قاسم اکرم، عرفات منہاس بھی ٹیم میں شامل ہیں۔
بھارت میں کرکٹ میں سیاست ہوتی ہے، اچھی طرح جانتا ہوں، سابق آسٹریلوی کرکٹر
فاسٹ بولر میں جہانداد خان، محمد عباس آفریدی اور محمد حسنین شامل ہیں جبکہ دوسرے ٹی ٹوئنٹی کے مین آف دی میچ اسپنر سفیان مقیم بھی ٹیم میں شامل ہیں۔
