The news is by your side.

Advertisement

پاکستان اور افغانستان نے امن کے لیے بھاری قیمت چکائی ہے ، ڈاکٹر عبداللہ عبداللہ

اسلام آباد : چیئرمین افغان مفاہمی کونسل ڈاکٹر عبداللہ عبداللہ کا کہنا ہے کہ پاکستان اور افغانستان نے امن کے لیے بھاری قیمت چکائی ہے ، مستقبل کاراستہ آسان نہیں لیکن ہمیں اپنےعوام کی امن کی خواہش کے لیے مل کر آگے بڑھنا ہوگا۔

تفصیلات کے مطابق چیئرمین افغان مفاہمی کونسل عبداللہ عبداللہ نے انسٹی ٹیوٹ آف اسٹرٹیجک اسٹڈیزکےزیراہتمام کانفرنس سے خطاب کرتے ہوئے کہا کہ بھرپور مہمان نوازی اوراستقبال پرپاکستانی حکام کاشکرگزارہوں، پاکستان اورافغانستان کےعوام کی خوشحالی ایک دوسرے سے منسلک ہے۔

چیئرمین افغان مفاہمتی کونسل کا کہنا تھا کہ دوحہ مذاکرات میں افغانستان میں تشددکے خاتمے پر توجہ مرکوزہے، افغان امن عمل میں پاکستان کا کرداراہم ہے، پاکستان سے اپنے تعلقات کو مزید مستحکم کرنا چاہتے ہیں۔

ڈاکٹر عبداللہ عبداللہ نے کہا کہ ہمیں اپنےعوام کی امن کی خواہش کے لیے آگے بڑھنا ہے، دونوں ممالک کو دہشت گردی اورانتہا پسندی سمیت مختلف مسائل کا سامنا رہا، اقتصادی اورتجارتی سرگرمیوں کے لیے بھی امن کی منزل حاصل کرنی ہے۔

ان کا کہنا تھا کہ ہمیں خوشحالی اور پرامن بقائے باہمی کے لیے عوامی اور مواصلاتی رابطوں کوفروغ دینا ہے، افغان سرزمین کوکسی ملک کےخلاف استعمال ہونےنہیں دیں گے، مستقبل کاراستہ آسان نہیں ہمیں مل کر آگے بڑھنا ہوگا۔

چیئرمین افغان مفاہمتی کونسل نے مزید کہا کہ پاکستان اور افغانستان نے امن کے لیے بھاری قیمت چکائی ہے اور لاکھوں افغان مہاجرین کی مہمان نوازی پر پاکستان کے شکر گزار ہیں۔

Comments

یہ بھی پڑھیں