پاکستان مخالف تقریر،وزات داخلہ کا برطانیہ سے باضابطہ رابطہ -
The news is by your side.

Advertisement

پاکستان مخالف تقریر،وزات داخلہ کا برطانیہ سے باضابطہ رابطہ

اسلام آباد: متحدہ قومی موومنٹ کے قائد الطاف حسین کی پریس کلب پر موجود کارکنان سے پاکستان مخالف تقریر پر وزارت داخلہ نے باضابطہ طور پر حکومت پاکستان سے رابطہ کرلیا اور الطاف حسین کے خلاف اشتعال انگیزی و بغاوت کے مقدمات درج کرانے کا مطالبہ کردیا۔

اے آر وائی نیوز کے نمائندے لندن احمد علی سید کے مطابق الطاف حسین کے خلاف پاکستان میں اشتعال انگیزی، بغاوت اور انتشار پھیلانے کے جرم کے حوالے سے قائد ایم کیو ایم کی گزشتہ روز کی تقریر کا متن برطانوی حکام کو بطور ثبوت پیش کیا جائےگا۔

ذرائع کا کہنا ہے کہ پاکستانی وزارت داخلہ نے ایم کیو ایم قائد کی گزشتہ روز کی تقریر سے برطانیہ کو آگاہ کیا اور اب متن پیش کیا جائےگا۔

برطانوی حکومت الطاف حسین کی تقریر کے متن کا جائزہ لے کر حکومت پاکستان کی جانب سے عائد کردہ الزامات کے درست ہونے یانہ ہونے کا فیصلہ کرے گی۔

اس حوالے سے لندن پولیس کا کہنا ہے کہ فی الحال تقریر کے متن کا جائزہ لیا جارہا ہے، جرم کے شواہد ملے تو کرائون پراسیکیوشن سے مشاورت کریں‌ گے۔

واضح رہے کہ ایم کیو ایم کے قائد الطاف حسین کی پاکستان مخالف تقریر، وطن مخالف نعروں اور میڈیا ہائوسز پر حملوں کے لیے کارکنان کو اکسانے کے الزامات ہیں۔

Comments

comments

یہ بھی پڑھیں