The news is by your side.

Advertisement

پاکستان مخالف تقریر، متحدہ میں بغاوت، کئی رہنما منحرف

کراچی:ایم کیو ایم کی قیادت کے خلاف مقدمات کے اندراج کے لیے ڈرافٹ کی تیاری شروع کردی گئی،پاکستان مخالف نعروں پر متحدہ قومی موومنٹ کے رہنما منحرف نظر آنے لگے۔

قومی موومنٹ کے سابق وفاقی وزیر اور اہم رہنما بابر غوری نے ٹوئٹ کیا ہے کہ ان کے لیے سب سے پہلے پاکستان ہے۔

ایم کیو ایم رہنما رشید گوڈیل نے ٹوئٹر پر لکھا کہ صرف اور صرف ایک پاکستان پریقین رکھتا ہوں اور پاکستان سے پہلے کچھ نہیں۔

ایم کیو ایم رابطہ کمیٹی کے ممبر غازی صلاح الدین نے ذمہ داری اور  ایم کیو ایم کی بنیادی رکنیت سے استعفی دے دیا۔

ڈاکٹر عامر لیاقت حسین نے ٹوئٹ کیا ہے کہ پاکستان زندہ باد ہے اور زندہ باد ہی رہے گا۔

متحدہ کے سینیٹر طاہر مشہدی نےٹوئٹ کیا ہےکہ مجھے پاکستان کی خدمت کرنے پر فخر ہے اور میں پاکستان کو نقصان پہنچانے کی اجازت نہیں دوں گا۔ ایم کیو ایم رہنما فیصل سبزواری نے بھی اپنے ٹوئٹ میں پاکستان زندہ باد کا نعرہ لگایا۔

ایم کیو ایم کے رکن سندھ اسمبلی خالد بن ولایت نے اسمبلی کی رکنیت اور ایم کیو ایم کی بنیادی رکنیت سے استعفیٰ دیے دیا اور انہوں نے پی ایس پی میں شمولیت کا اعلان کردیا۔ خالد بن ولایت اب ایم کیو ایم کا حصہ نہیں رہے۔ ان کا کہنا ہے کہ پاکستان کے خلاف کی گئی زہر فشانی کو کسی بھی طرح درست قرار نہیں دیا جاسکتا۔

قبل ازیں ارم عظیم فاروقی مستعفی ہونے کا اعلان کرچکی ہیں اب رشید گوڈیل نے بھی کہا ہے کہ سب سے پہلے پاکستان کا نعرہ لگارہا ہوں اور میرے لیے سب سے پہلے پاکستان ہے۔ یہ بات انہوں نے ٹوئٹ کرتے ہوئے کہی۔

متحدہ قومی موومنٹ کے متعدد عہدے دار اور کارکنان پاک سرزمین پارٹی کے دفتر پہنچ گئے اور اس میں‌ شمولیت کی خواہش ظاہر کردی، نارتھ کراچی کے سیکٹر انچارج رشید حمید پی ایس پی میں شامل ہوگئے اور پی ایس پی کے دفتر پہنچ گئے۔


 ایم کیو ایم چھوڑنے والوں‌ کے خلاف مقدمہ درج نہ کرنے کا فیصلہ


اطلاعات ہیں کہ ایم کیو ایم سے لاتعلقی کا اعلان کرنے والے رہنمائوں سے حکومت نرمی برتے گی اور ان کے خلاف مقدمات درج نہیں کیے جائیں گے جبکہ بدستور ایم کیو ایم میں رہنے والے رہنمائوں کے خلاف بغاوت کے مقدمات درج کیے جائیں گے۔

دوسری جانب پولیس کا کہنا ہے کہ بھوک ہڑتالی کیمپ میں بیٹھے رہنمائوں اور کارکنان کی فہرست مرتب کرلی ہے، ایف آئی آر کا ڈرافٹ تیار کرلیا ہے، جلد مقدمہ درج کرلیا جائےگا۔

پولیس کا کہنا ہے کہ کیمپ میں بیٹھے افراد پر پاکستان مخالف تقریر میں معاونت کی دفعات عائد کی جائیں گی۔

Print Friendly, PDF & Email

Comments

comments

یہ بھی پڑھیں