The news is by your side.

Advertisement

پاکستان نے ہمیشہ دہشت گردی کی مخالفت کی، چینی وزیرخارجہ کا بھارتی ہم منصب کے سامنے دو ٹوک مؤقف

ووژن: چینی وزیر خارجہ وانگ ژی نے بھارتی ہم منصب سشما سوراج کے سامنے پاکستان کی کھل کر حمایت کرتے ہوئے کہا ہے کہ پاکستان نے ہمیشہ دہشت گردی کی مخالف کی۔

تفصیلات کے مطابق چین کے شہر ووژن میں روس، چین، بھارت سہہ فریقی اجلاس کا انعقاد کیا گیا جس میں بھارتی وزیر خارجہ کا خطاب کرتے ہوئے کہنا تھا کہ پاکستان اور بھارت چین کے مشترکہ دوست ہیں، پاکستان نے ہمیشہ دہشت گردی کی کھل کر مخالفت کی۔

اُن کا کہنا تھا کہ ’چین بھارت اور پاکستان خطے میں دہشت گردی کی بھرپور مخالفت کرتے ہیں، چین بھارتی اور پاکستانی دوستوں کے عدم جارحیت کے جذبے کو قدر کی نگاہ سے دیکھتا ہے‘۔

وانگ ژی کا کہنا تھا کہ چین کو امید ہے اسلام آباد اور نئی دہلی خطے میں امن و استحکام کی خاطر ایک دوسرے سے بات چیت کر کے کوئی حل نکالیں گے، چین دونوں ممالک کے مذاکرات کے درمیان تعمیری کردار ادا کررہا ہے۔

مزید پڑھیں: پاکستان کے ساتھ مزید کشیدگی نہیں چاہتے: سشما سوراج

اجلاس میں اقوام متحدہ کی سربراہی میں انسداد دہشت گردی مکینیزم اوربھارتی تجویز کردہ عالمی دہشت گردی پر جامع کنونشن پر بات چیت ہوئی۔

بھارتی وزیر خارجہ سشما سوراج کا کہنا تھا کہ دہشت گردی انسانیت کے خطرہ بن چکا، خطے میں امن قائم کرنے کے لیے ہم پاکستان سے مزید جاحیت یا دراندازی نہیں چاہتے بلکہ خواہش ہے تینوں ممالک اپنا کردار ادا کریں۔

Comments

comments

یہ بھی پڑھیں