تازہ ترین

پاک فضائیہ کا سی 130 ہرکولیس طیارہ ترکیہ پہنچ گیا

انقرہ : پاکستان فضائیہ کا سی ون تھرٹی طیارہ پاکستان آرمی کی یو ایس اے آر ٹیم لے کر ترکیہ کے ادانہ ایئرپورٹ پر پہنچ گیا۔

تفصیلات کے مطابق پاکستان کی جانب سے مصیبت میں گھرے ترک بھائیوں کیلئے امداد کا سلسلہ جاری ہے۔

پاک فضائیہ کا سی130 ہرکولیس طیارہ ترکیہ پہنچ گیا ہے، طیارہ نورخان بیس سے سرچ اینڈ ریسکیوٹیم اور کمبل لیکر ترکیہ کے ادانہ ایئر پورٹ پر پہنچا۔

پاک فضائیہ کے ترجمان کا کہنا ہے کہ طیارہ عوام کی جانب سے متاثرہ ترک بھائیوں کیلئےامداد لیکر پہنچا ہے،پاک فضائیہ کا ٹرانسپورٹ بیڑا قدرتی آفات سے نمٹنے کیلئے ہمیشہ پیش پیش ہے۔

ریسکیو 1122 کی ٹیم صبح 7 بجے پی آئی اے کی فلائٹ کے ذریعے روانہ ہوئی ، پاکستان ریسکیو 1122 کی ٹیم زلزلہ زدہ ترکی پہنچ گئی ہے ، ترکیہ پہنچنےوالی ریسکیوٹیم 52 ارکان پر مشتمل ہے۔

ریسکیوٹیم کی سربراہی ڈی جی ریسکیو1122 سروس کر رہے ہیں ، اسی پرواز میں حکومت پاکستان کی جانب سے کارگو ایڈ بھی بھیجی گئی۔

ٹینٹس اور کمبل کی پیکنگ مکمل ہوتے ہی دوسرا سی 130 طیارہ روانہ ہوگا ، ترکیہ کیلئے پاکستان ائیرفورس دوسرا سی 130 بھی آج ہی لاہور سے روانہ کیا جائے گا۔

خیال رہے زلزلے کے بعد پاکستان سمیت مختلف ممالک امداد ،ریسکیو ٹیمیں ترکیہ اور شام بھیج رہے ہیں۔

Comments

- Advertisement -