site
stats
پاکستان

پاکستان اور فرانس کے درمیان آسان قرضوں کامعاہدہ

France loan agreement

اسلام آباد : حکومتِ پاکستان اور فرانسیسی ترقیاتی ادارہ (اے ایف ڈی) کے درمیان 16 کروڑ 50 لاکھ یورو کے آسان قرضے کا معاہدہ طے پا گیا ہے۔

تفصیلات کے مطابق گزشتہ روز اسلام آباد میں سیکرٹری اقتصادی امور ڈویژن شاہد محمود، پاکستان میں فرانسیسی سفیر مارٹین ڈورنس اور اے ایف ڈی کے کنٹری ڈائریکٹر جیکی امپرو نے معاہدہ پر دستخط کئے‘ اس موقع پر وفاقی وزیر خزانہ سینیٹر اسحاق ڈار بھی اس موقع پر موجود تھے۔

ذرائع کا کہنا ہے کہ یہ معاہدہ توانائی کے شعبہ کے منصوبوں بشمول پاور ٹرانسمیشن‘ ان ہانسمنٹ انوسٹمنٹ اور منگلا پاور پلانٹ بحالی منصوبہ کی فنانسنگ سے متعلق ہے۔

اس موقع پر وزیر خزانہ اسحاق ڈار نے اظہار خیال کرتے ہوئے فرانسیسی ترقیاتی ادارہ (اے ایف ڈی) کی جانب سے پاکستان کی اقتصادی ترقی کیلئے مسلسل حمایت اور تعاون کو سراہا۔

فرانسیسی سفیر نے اس موقع پر کہا کہ فرانس اور پاکستان کے درمیان دیرینہ تاریخی تعاون قائم ہے۔ فرانس پاکستان کو مختلف شعبوں میں تعاون فراہم کرنے کا خواہاں ہے۔

اس موقع پر بتایا گیا کہ اس پروگرام کا مقصد توانائی کے شعبہ کو مزید رعایتی، قابل اعتماد اور پائیدار بنانا ہے جو نیشنل پاور پالیسی پر عملدرآمد کے ذریعے ملک کی اقتصادی نمو میں معاون ثابت ہو گا۔


پاکستانی طالب علموں کو فرانس میں تعلیم حاصل کرنے کی پیش کش


  یاد رہے کہ اس سے قبل رواں سال مارچ میں فرانس  کی طرف سے حکومتِ پاکستان اور یورپ کے درمیان پل کا کردار ادا کرنے کی پیشکش بھی کی گئی تھی۔

اس کے علاوہ فرانس نے پاکستانی طلبہ کو اپنے ملک کی یونیورسٹیوں میں نہ صرف تعلیم حاصل کرنے کی کی پیش کشکی تھی بلکہ ان کے لیے اسکالر شپ کا بھی اعلان کیا تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top