اسلام آباد: پاکستان اور آئی ایم ایف کے مذاکرات آخری مرحلے میں داخل ہوگئے، معاہدے کا اعلان جلد متوقع ہے.
تفصیلات کے مطابق اس وقت ساری نظریں اسلام آباد پرمرکوز ہیں، پاکستان اور آئی ایم ایف مذاکرات سے متعلق جلد اہم اعلانات کیے جاسکتے ہیں
حکومتی ذرائع کے مطابق مشیر خزانہ عبدالحفیظ شیخ اس ضمن میں وزیراعظم عمران خان سےمسلسل رابطے ہیں، مشیر خزانہ وزیراعظم سے دو بار ملاقات بھی کی.
مثبت پیش رفت کا دعویٰ
ادھر ذرائع وزارت خزانہ نے دعویٰ کیا ہے کہ آئی ایم ایف سے مذاکرات میں مثبت پیش رفت ہوئی، آئی ایم ایف سے مذاکرات ہفتے اور اتوار کو بھی ہوں گے.
ذرائع وزارت خزانہ کے مطابق آئی ایم ایف سے معاہدے کی تفصیلات کا حتمی اعلان پیر کو ہوگا.
وزیر اعظم نے اجلاس طلب کر لیا
وزیراعظم نے ملکی مالیاتی معاملات پربریفنگ کے لئے اہم اجلاس پیرکو طلب کیا ہے، ارکان قومی اسمبلی اور کابینہ اراکین بریفنگ میں شریک ہوں گے.
بریفنگ کا اہتمام وزیراعظم آفس کے آڈیٹوریم میں کیا گیا ہے، وزیراعظم عمران خان، مشیر خزانہ سمیت معاشی ٹیم کےارکان شریک ہوں گے۔
وزیر اعظم کی جانب سے پارٹی ارکان اسمبلی اور وفاقی وزراکو شرکت یقینی بنانے کی ہدایت کی گئی ہے.
