The news is by your side.

Advertisement

پاکستان اور قازقستان کی مشترکہ فوجی مشق ‘دوستریم تھری’ کی افتتاحی تقریب کا انعقاد

راولپنڈی : پاکستان اور قازقستان کی مشترکہ فوجی مشق ‘دوستریم تھری’ کی افتتاحی تقریب کا انعقاد کیا گیا ، مشق کا مقصد دونوں افواج میں شعبہ انسداد دہشت گردی کو فروغ دینا ہے۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ پاکستان اور قازقستان کی مشترکہ فوجی مشق’’دوسترم 3‘‘کی افتتاحی تقریب کا انعقاد کیا گیا ، افتتاحی تقریب آج قومی انسداد دہشت گردی مرکز پبی میں منعقد ہوئی، مشق کا مقصد دونوں افواج میں شعبہ انسداد دہشت گردی کو فروغ دینا ہے۔

آئی ایس پی آر کا کہنا ہے کہ فورسز یرغمالی ریسکیو ، کمپاؤنڈ کلیئرنس ، ہیلی ریپلنگ میں حصہ لیں گی جبکہ فورسز کلوز کواٹر بیٹل کی مشقوں اور طریقہ کار میں حصہ لیں گی، مشق ہم آہنگی، تعاون ،فیصلہ سازی اورحکمت عملی پر تیزی سے اقدامات پرمرکوز ہوگی۔

افتتاحی تقریب میں دونوں ممالک کے فوجی حکام موجود تھے، اس دوران دونوں ممالک کے قومی ترانے بجائے گئے، دوسترم 2فوجوں میں 2سالہ مشق کے طریقہ کار کےطور پرمنعقد کی جا رہی ہے۔

خیال رہے پہلی مشترکہ مشق 2017 میں پاکستان اوردوسری 2019 میں قازقستان میں منعقد ہوئی تھی۔

Comments

یہ بھی پڑھیں