The news is by your side.

Advertisement

پاکستان اور عمان کے درمیان شعبہ ہوا بازی کے فروغ کے لیے تعاون پر اتفاق

اسلام آباد : پاکستان اور عمان کے درمیان شعبہ ہوا بازی کے فروغ کے لیے دو طرفہ تعاون مزید بڑھانے پر اتفاق کیا گیا ہے، دونوں ممالک کے مابین باہمی مشاورت جاری رکھنے کے عزم کا اظہار کیا گیا ہے۔

تفصیلات کے مطابق اسلام آباد میں پاکستان اور عمان کے ایرو ناٹیکل حکام کا اجلاس ہوا، اجلاس میں نئی ایوی ایشن پالیسی کے وژن کے مطابق شعبہ ہوا بازی میں دو طرفہ تعاون مزید بڑھانے پر اتفاق کیا گیا۔

اس موقع پر دونوں ممالک کے شعبہ ہوابازی کے فروغ کے لیے باہمی مشاورت جاری رکھنے کے عزم کا اظہار کیا گیا، پاکستانی وفد کی قیادت سینئر جوائنٹ سیکریٹری ایوی ایشن ڈویژن عبدالستار کھوکھر نے کی جبکہ عمانی وفد کی قیادت عمان کی سول ایوی ایشن اتھارٹی کے ڈائریکٹر ائیر ٹرانسپورٹ سلیم حامد الحسینی نے کی۔

پاکستانی وفد میں سی اے اے کے ڈپٹی ڈی جی ریگولیٹری ائیرکموڈور ناصر رضا ہمدانی کے علاوہ سی اے اے اور ملکی ائیرلائنز کے اعلی افسران بھی شامل تھے۔

عمانی وفد میں عمان سول ایوی ایشن اتھارٹی کے علاوہ عمان ائیر اور سلام ائیر کے افسران شامل تھے۔

Comments

comments

یہ بھی پڑھیں