The news is by your side.

Advertisement

’پاکستان اور امریکا کے درمیان آئی ٹی کے شعبے میں بھرپور تعاون کی ضرورت ہے‘

واشنگٹن: امریکا میں تعینات پاکستانی سفیر اسد مجید خان نے کہا ہے کہ پاکستان اور امریکا کے درمیان آئی ٹی کے شعبے میں بھرپورتعاون کی ضرورت ہے، موجودہ حکومت نے بھرپور اقدامات کیے۔

تفصیلات کے مطابق امریکا میں پاکستان کے سفیر اسدمجیدخان نے ٹیک سمٹ میں آن لائن شرکت کی، اس موقع پر انہوں نے پاک امریکا طویل المدتی معاشی، تجارتی اور کاروباری تعلقات پر روشنی ڈالی، آن لان گفتگو میں اسلام آباد میں متعین امریکی سفارت خانے کے ناظم الامورجون ہور کی بھی شرکت کی۔

پاکستانی سفیر کا کہنا تھا کہ حکومت نے آئی ٹی کی صنعت کے فروغ کے لیے وسیع تراقدامات کیے۔

دریں اثنا جون ہور نے کہا کہ امریکا پاکستان میں کاروبار میں معاونت کی پالیسی پر عمل پیرا ہے۔ امریکی ناظم الامور نے پاکستان میں آئی ٹی شعبے سے وابستہ ہنرمندافراد کی مہارت کی تعریف کی۔

ان کا یہ بھی کہنا تھا کہ پاکستان میں آئی ٹی کے شعبے میں ترقی کے وسیع مواقع موجود ہیں، پاکستانی تارکین وطن اس سلسلے میں اہم کردار ادا کرسکتےہیں۔

Comments

یہ بھی پڑھیں