راولپنڈی : مسلح افواج نے ڈیموں کی تعمیر کے کار خیر میں بڑھ چڑھ کر حصہ لینے کا اعلان کردیا اور کہا کہ تینوں مسلح افواج کے افسران 2دن کی تنخواہ فنڈ میں جمع کرائیں گے۔
تفصیلات کے مطابق ڈی جی آئی ایس پی آر میجرجنرل آصف غفور نے سماجی رابطے کی ویب سائٹ ٹوئٹر پر اپنے پیغام میں مسلح افواج کا ڈیموں کی تعمیر کے کار خیر میں بڑھ چڑھ کر حصہ لینے کا اعلان کردیا۔
میجرجنرل آصف غفور نے کہا کہ تینوں مسلح افواج کے افسران 2دن کی تنخواہ اور جوان ایک دن کی تنخواہ فنڈمیں جمع کرائیں گے، دیامیر بھاشا ڈیم اور مہمند ڈیم فنڈ میں قومی فریضہ کے تحت دیں گے۔
Pakistan Armed Forces contributing to Diamer-Basha & Mohmand Dam Fund. Officers of Pak Army, Navy and Air Force will contribute their 2 days’ pay while soldiers one day’s pay to the announced fund for this national cause. #DamsForPakistan🇵🇰
— Maj Gen Asif Ghafoor (@OfficialDGISPR) July 9, 2018
خیال رہے کہ چیف جسٹس کی ہدایت پر ڈیموں کی تعمیر کیلئے خصوصی فنڈ قائم کیا گیا ہے۔
اس سے قبل چیف جسٹس میاں ثاقب نثار نے ڈیمز کی تعمیر کے لئے دس لاکھ روپے کا عطیہ جمع کرایا تھا جبکہ میئر کراچی اور پیر پگارا نے ہر قسم کے تعاون کی پیشکش کی تھی اور میئر کراچی بنے اپنی اور کے ایم سی افسران کی طرف سے ایک ایک لاکھ روپے فنڈ عطیہ کرنے کا اعلان کیا تھا۔
یاد رہے گزشتہ دنوں کالا باغ ڈیم کی تعمیر سے متعلق ہونے والی سماعت چیف جسٹس آف پاکستان نے دیامیر بھاشا اور مہمند کو فوری تعمیر کرنے کے احکامات جاری کرتے ہوئے فنڈز قائم کرنے کا اعلان کیا تھا۔