The news is by your side.

Advertisement

چترال میں سیلاب، متاثرہ افراد کو محفوظ مقامات پر منتقل کیا جا رہا ہے: آئی ایس پی آر

چترال: پاک فوج کے شعبہ تعلقات عامہ کے ادارے آئی ایس پی آر نے کہا ہے کہ پاک فوج چترال میں سیلاب سے متاثرہ افراد کی مدد میں مصروف ہے۔

آئی ایس پی آر کے مطابق چترال کے علاقے گولین میں شدید سیلاب سے مقامی آبادی بری طرح متاثر ہو چکی ہے، پاک فوج سِول انتظامیہ کے ساتھ ریسکیو اور ریلیف آپریشن کر رہی ہے۔

ڈی جی آئی ایس پی آر نے ٹویٹ کرتے ہوئے کہا ہے کہ سیلاب سے متاثرہ افراد کو ہیلی کاپٹر کے ذریعے محفوظ مقامات پر منتقل کیا جا رہا ہے۔

ٹویٹر پر آئی ایس پی آر کے آفیشل اکاؤنٹ کے مطابق سیلاب متاثرین کو خیموں اور راشن کی فراہمی بھی جاری ہے، میڈیکل ٹیمیں بھی متاثرین کے علاج میں مصروف ہیں۔

خیال رہے کہ ضلع چترال کے علاقے گولین گول میں گلیشیئر پھٹنے سے سیلاب آ گیا تھا جس کی وجہ سے جنگل کے قریب واقع دیہات کو جزوی نقصان پہنچا، مقامی آبادی کے لوگ مکانات خالی کر کے قریبی پہاڑوں پر چڑھ گئے تھے۔

گلیشئر پھٹنے کے بعد آنے والے سیلاب کی وجہ سے علاقے میں سیاح بھی پھنس گئے تھے، وزیر اعظم عمران خان کی ہم شیرہ علیمہ خان بھی سیلاب میں پھنس گئی تھیں جن کے لیے ہیلی کاپٹر طلب کر لیا گیا تھا۔

زمینی رابطہ منقطع ہونے کی وجہ سے ریسکیو آپریشن میں مشکلات کا سامنا ہے، متاثرین کو ہیلی کاپٹر کے ذریعے نکالا جا رہا ہے۔

Comments

comments

یہ بھی پڑھیں