پاک فوج کے میجرعمرفاروق کے لئے برطانوی اعزاز
The news is by your side.

Advertisement

پاک فوج کے میجرعمرفاروق کے لئے برطانوی اعزاز

لندن : برطانیہ میں قائم صدیوں پرانی ملٹری اکیڈمی میں پاک فوج کے میجر عمرفاروق نے دنیا بھر سے آئے کیڈٹس کو ٹریننگ دی اوربہترین پلاٹون کا اعزاز جیت کر قوم کا سر فخرسے بلند کردیا۔

تفصیلات کے مطابق رائل ملٹری اکیڈمی سندرشٹ میں ایک سو تہترویں کمیشن کورس میں ساورن پریڈ کا انعقاد ہوا، جس میں پاکستانی میجر عمرفاروق کی پلاٹون کو بہترین قرار دیا گیا۔

پاک فوج کے میجرعمر برطانوی رائل ملٹری اکیڈمی کی پلاٹون کے کمانڈر ہیں جبکہ ان کا نام رائل ملٹری اکیڈمی کی لائبریری کے اعزازی بورڈ پر بھی درج کیا جائے گا۔

برطانوی رائل ملٹری اکیڈمیں میں پاسنگ آؤٹ پریڈ کی تقریب میں پاکستانی ہائی کمشنر، اعلیٰ فوجی شخصیات اور کیڈٹس کے اہل خانہ اور متعدد ممالک کے سفیروں نے بھی شرکت کی۔

ملکہ الزبتھ نے پلاٹون کو غیرمعمولی مہارت پر اعزاز عطا کیا جبکہ شاندار کارکردگی پر پاک فوج کے افسر عمر کی بھی تعریف کرتے ہوئے شاندار خدمات کے اعتراف پر سرٹیفکیٹ بھی عطا کیا۔

پاکستان کے ہائی کمشنر صاحبزادہ احمد خان نے میجر عمر فاروق اور ان کی پلاٹون کے ارکان کو مبارکباد دی۔

خیال رہے کہ پاکستان واپس جانے والے میجر عقبہ ملک کی جگہ میجر عمر نے گزشتہ سال بطور انسٹرکٹر برطانوی ملٹری اکیڈمی جوائن کی اور کیڈٹس کو پیشہ ورانہ تربیت دی۔

واضح رہے پاک فوج کے میجر عقبہ ملک کو برطانوی ملٹری اکیڈمی سینڈہرسٹ میں تربیت دینے والے پہلے پاکستانی فوجی افسرکا اعزاز حاصل ہیں۔

Comments

comments

یہ بھی پڑھیں