The news is by your side.

Advertisement

پاکستان آرمی کی ٹیم نے نیپال میں گولڈ میڈل جیت لیا

راولپنڈی: پاکستان آرمی کی ٹیم نے نیپال میں ہونے والے انٹرنیشنل ایڈونچر مقابلوں میں گولڈ میڈل جیت لیا۔

پاک فوج کے شعبہ تعلقات عامہ (آئی ایس پی آر) کے مطابق نیپال میں 18 سے 21 مارچ تک ہونے والے بین الاقوامی مہم جوئی مقابلوں میں پاکستان آرمی نے طلائی تمغہ جیت لیا، مقابلوں کا مقصد جسمانی مہارتوں، پھرتی اور ذہنی چستی کی جانچ کرنا تھا۔

ترجمان پاک فوج کے مطابق مقابلوں میں کراس کنٹری رننگ، سائیکلنگ اور رافٹنگ شامل تھے۔

آئی ایس پی آر کے مطابق پاک فوج نے پہلی بار ایونٹ میں حصہ لیا، ایونٹ میں مجموعی طور پر 20 ٹیمیں شامل تھیں۔

بین الاقوامی کیٹگری میں پاکستان آرمی کی ٹیم نے گولڈ میڈل جیتا۔

یاد رہے کہ اس سے قبل تینتیسویں نیشنل گیمز میں پاک آرمی نے ایک سو پچاس گولڈ میڈلز، ایک سو چونتیس سلور اور چھیانوے براؤنز میڈلز حاصل کر کے پہلی پوزیشن حاصل کی تھی۔

پاکستان واپڈا تین سو بیس میڈلز کے ساتھ دوسرے اور پاکستان ریلوے نے ایک سو چار میڈلز حاصل کیے تھے۔ تقریب کا اختتام رنگا رنگ انداز سے کیا گیا تھا جس میں دلکش آتش بازی نے خوب رنگ جمایا تھا۔

Comments

یہ بھی پڑھیں