راولپنڈی: پاک فوج کے ترجمان نے کہا ہے کہ کھیل امن کو فروغ دینے کے لیے اچھا اقدام ہے، پی ایس ایل فائنل کے لیے آنے والے تمام غیر ملکی کھلاڑیوں اور مہمانوں کو خوش آمدید کہتے ہیں۔
ڈی جی آئی ایس پی آر نے پی ایس ایل فائنل میں پہنچنے والی ٹیموں کے لیے نیک خواہشات کا اظہار کیا اور کھیل کو امن کے فروغ کے لیے اچھا اقدام بھی قرار دیا۔
Welcome to foreign players / guests.
Good luck to playing teams.
Sports promote peace!
Pakistan Zindabad.
— Maj Gen Asif Ghafoor (@OfficialDGISPR) March 5, 2017
پی ایس ایل فائنل کے لیے آرمی چیف آف اسٹاف نے بھرپور سیکیورٹی دینے کا اعلان کیا تھا، قذافی اسٹیڈیم کے باہر اور اندر خصوصی سیکیورٹی انتظامات کیے گئے ہیں جس کے تحت قانون نافذ کرنے والے اداروں کے ساتھ پاک فوج کے مستعدد جوان بھی تعینات کیے گئے ہیں۔
قذافی اسٹیڈیم کے باہر 10 ہزار اہلکار تعینات کیے گئے ہیں جبکہ پاک فوج کے ہیلی کاپٹر بھی اسٹیڈیم کی فضائی نگرانی کررہے ہیں اور غیر ملکی کھلاڑیوں کے ساتھ پاک فوج کے خصوصی دستے تعینات کیے گئے۔
پڑھیں: ’’ پی ایس ایل فائنل:چند گھنٹےباقی‘شائقین پہنچنا شروع ‘‘
یاد رہے آج قذافی اسٹیڈیم میں پی ایس ایل کا فائنل کھیلا جارہا ہے جس میں کوئٹہ گلیڈی ایٹرز اور پشاور زلمی کی ٹیمیں مدِ مقابل ہیں۔ ایونٹ کی اختتامی تقریب پاکستانی وقت کے مطابق رات 8 بجے شروع ہوگی۔