The news is by your side.

Advertisement

سمندری حدود کی خلاف ورزی پر 29 بھارتی ماہی گیرگرفتار

کراچی : پاکستان میری ٹائم سیکیورٹی ایجنسی نے سمندر میں آپریشن کرتے ہوئے 5بھارتی کشتیاں قبضے میں لے کر29بھارتی ماہی گیروں کو گرفتار کرلیا ہے۔

تفصیلات کے مطابق  میری ٹائم سیکیورٹی ایجنسی نے کارروائی کرتے ہوئے پاکستانی سمندری حدود کی خلاف ورزی کرنے والے 29 بھارتی ماہی گیروں کو گرفتار کرلیا  اور بھارتی ماہی گیروں کے زیر استعمال 5کشتیاں بھی قبضے میں لے لی گئی ہیں ۔

ترجمان کے مطابق بھارتی ماہی گیروں کو تفتیش کے بعد ڈاکس تھانے کے حوالے کردیا جائے گا۔


مزید پڑھیں : سمندری حدود کی خلاف ورزی پر60 بھارتی ماہی گیرگرفتار


خیال رہے روان سال جنوری میں بھی میری ٹائم سیکیورٹی ایجنسی نے کارروائی کرتے ہوئے 60 بھارتی ماہی گیروں کو پاکستان کی سمندری حدود کی خلاف ورزی کرنے پر گرفتار کیا تھا اور 10کشتیاں بھی ضبط کرلی تھیں۔

مزید پڑھیں : سمندری حدود کی خلاف ورزی پر60 بھارتی ماہی گیرگرفتار

یاد رہے ماضی میں‌ بھارت ماہی گیروں کے زریعے اپنے منظم مقاصد کے حصول کی کوشش کرتا رہا ہے تاہم اس کی یہ کوشش پاکستان نے ناکام بنائی ہے۔

واضح رہے کہ بحیرہ عرب میں سمندری حدود کی خلاف ورزی اور اسکے نتیجے میں گرفتاریاں دونوں ممالک کی جانب سے معمول کی بات ہیں۔

سمندری حدود کی واضح تقسیم نہ ہونے اورماہی گیروں کی کشتیوں میں سمندری حدود کا تعین کرنے والے جدید آلات نہ ہونے کے باعث اکثر دونوں ممالک کے ماہی گیرغلطی سے سرحد پار کرجاتے ہیں اور اکثر ماہی گیر اپنی سزا کی مدت ختم کرنے کے باوجود کمزور سفارتی تعلقات کے باعث جیل میں رہ جاتے ہیں۔

 

 

Print Friendly, PDF & Email

Comments

comments

یہ بھی پڑھیں