سمندری حدود کی خلاف ورزی پر60 بھارتی ماہی گیرگرفتار -
The news is by your side.

Advertisement

سمندری حدود کی خلاف ورزی پر60 بھارتی ماہی گیرگرفتار

کراچی : پاکستان میری ٹائم سیکورٹی ایجنسی نےسمندری حدود کی خلاف ورزی پر 60 بھارتی ماہی گیروں کو گرفتار کرلیا۔

تفصیلات کےمطابق میری ٹائم سیکیورٹی ایجنسی کے ترجمان کا کہنا تھا کہ 60 بھارتی ماہی گیروں کو کھلے سمندر میں ماہی گیری کرتے ہوئے پاکستان کی سمندری حدود کی خلاف ورزی کرنے پر گرفتار کر لیا گیا ہے۔

سیکیورٹی پر مامور اہلکار لطیف بابر کا کہنا ہے کہ بھارتی ماہی گیروں کو حراست میں لینے کے بعد ان کی 10کشتیاں بھی ضبط کرلی گئیں ہیں۔

ترجمان  نے کہا کہ ہفتے کے روز انہیں عدالت لے جایا جائیگا بعد ازاں انہیں جیل بھیج دیا جائے گا۔

مزید پڑھیں:ماہی گیروں کے روپ میں را کے دو ایجنٹ گرفتار، اہم تصاویربرآمد

یاد رہے ماضی میں‌ بھارت ماہی گیروں کے زریعے اپنے منظم مقاصد کے حصول کی کوشش کرتا رہا ہے تاہم اس کی یہ کوشش پاکستان نے ناکام بنائی ہے۔

واضح رہے کہ بحیرہ عرب میں سمندری حدود کی خلاف ورزی اوراسکے نتیجے میں گرفتاریاں دونوں ممالک کی جانب سے معمول کی بات ہیں۔

سمندری حدود کی واضح تقسیم نہ ہونے اورماہی گیروں کی کشتیوں میں سمندری حدود کا تعین کرنے والے جدید آلات نہ ہونے کے باعث اکثر دونوں ممالک کے ماہی گیرغلطی سے سرحد پار کرجاتے ہیں اور اکثر ماہی گیر اپنی سزا کی مدت ختم کرنے کے باوجود کمزور سفارتی تعلقات کے باعث جیل میں رہ جاتے ہیں۔

حالیہ مہینوں میں بھی دونوں ممالک کے تعلقات بھارت کی جانب سے کشمیر بارڈر پربلااشتعال شیلنگ کے سبب کشیدگی سے دوچارہیں۔

 

Comments

comments

یہ بھی پڑھیں