The news is by your side.

Advertisement

داسوحملہ: کس کی ایما پر کیا گیا؟ کون ملوث تھا؟ تحقیقاتی رپورٹ جاری

اسلام آباد: داسو میں دہشت گردی کے حملے میں کون ملوث تھا؟ کس کی ایما اور فنڈنگ سے دھماکا کیا گیا؟ تحقیقاتی رپورٹ جاری کردی گئی۔

تفصیلات کے مطابق پاکستان نےداسو دہشت گرد حملےکی تحقیقاتی رپورٹ جاری کردی ہے، رپورٹ سے متعلق ترجمان دفتر خارجہ نے بتایا کہ بزدلانہ حملے کی تحقیقات مکمل کرکےرپورٹس چین کیساتھ شیئر کی جاچکی ہیں، اپنی تحقیقات کا ہر موقع پر چین سےتبادلہ کیا، اپنے عزم کے مطابق پاکستانی انتظامیہ نےواقعہ کی تحقیقات کیں۔

دفترخارجہ کے ترجمان کی جانب سے جاری بیان میں بتایا گیا کہ حملے میں ملوث نیٹ ورک کو "را اور این ڈی ایس” نےمدد فراہم کی، دشمن ایجنسیوں کی ایماپر ٹی ٹی پی سوات گروپ نےحملہ کیا۔

یہ بھی پڑھیں: ’داسو ڈیم واقعے میں افغانستان کی سرزمین کو استعمال کیا گیا

ترجمان دفترخارجہ زاہدحفیظ نے بتایا کہ داسو حملےکی منصوبہ بندی افغانستان میں کی گئی تھی،حملے میں ملوث کچھ افراد کو گرفتار کرلیا گیاہے، حملےکےبہت سےملزمان اب بھی افغانستان میں موجودہیں، ملزمان کی گرفتاری کیلئےافغان حکومت کودرخواست دی ہے۔

تحقیقاتی رپورٹ میں بتایا گیا کہ حملےمیں استعمال گاڑی بھی افغانستان سےلائی گئی تھی۔

یاد رہے کہ داسو میں دہشت گردحملےمیں نو چینی اور3پاکستانی جاں بحق ہوئےتھے جبکہ ایک اور چینی باشندہ بعدمیں زخموں کی تاب نہ لاتےہوئےدم توڑگیاتھا۔

Comments

یہ بھی پڑھیں