شریفوں کی کرپشن ڈھکی چھپی نہیں، شہبازشریف کو بہت پہلے گرفتارکرلیا جانا چاہیے تھا
The news is by your side.

Advertisement

شریفوں کی کرپشن ڈھکی چھپی نہیں، شہبازشریف کو بہت پہلے گرفتار ہوجانا چاہیے تھا: پاکستان عوامی تحریک

لاہور: پاکستان عوامی تحریک نے کہا ہے کہ ہم اب شہباز شریف کی سانحہ ماڈل ٹاؤن میں گرفتاری کے منتظر ہیں.

ان خیالات کا اظہار پاکستان عوامی تحریک نے مسلم لیگ ن کے صدر شہبازشریف کی گرفتاری پر ردعمل دیتے ہوئے کیا.

پاکستان عوامی تحریک کے ترجمان خرم نوازگنڈا پور کا کہنا تھا کہ شہباز شریف کو بہت پہلے گرفتار کر لیا جانا چاہیے تھا.

خرم نوازگنڈاپور نے کہا کہ شریفوں کی کرپشن کوئی ڈھکی چھپی بات نہیں ہے، احد چیمہ اور فوادحسن فواد شہباز شریف کےفرنٹ مین ہیں.

سیکریٹری جنرل پی اے ٹی نے کہا کہ قومی دولت لوٹنے والوں کا کڑا احتساب ہونا چاہیے، کوئی رعایت نہیں ملنی چاہیے، اب ہم سانحہ ماڈل ٹاؤن میں گرفتاریوں کے منتظر ہیں.


مزید پڑھیں: مسلم لیگ ن نے شہباز شریف کی گرفتاری کو انتقامی کارروائی قرار دے دیا


یاد رہے کہ قومی احتساب بیورو ( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں حراست میں لے لیا ہے۔

شہباز شریف کوصاف پانی کیس میں تفتیش کے لیے طلب کیا گیا تھا، شہباز شریف تفتیش کے لیے آئے تو ان سے آشیانہ سوسائٹی کے حوالے سے بھی پوچھ گچھ کی گئی.

Comments

comments

یہ بھی پڑھیں