لاہور: دوسرے ون ڈے میچ میں پاکستان نے آسٹریلیا کو 6 وکٹوں سے شکست دے کر تین میچوں کی سیریز 1-1 سے برابر کردی۔
تفصیلات کے مطابق لاہور کے قذافی اسٹیڈیم میں کھیلے گئے دوسرے ون ڈے میچ میں پاکستان نے آسٹریلیا کی جانب سے دیا جانے والا 349 رنز کا 49 اوور میں 4 وکٹوں کے نقصان پر حاصل کرلیا۔
کپتان بابر اعظم نے 114 رنز کی شاندار اننگز کھیلی، امام الحق نے بھی 106 رنز اسکور کرکے کپتان بابر اعظم کا خوب ساتھ دیا۔
Fitting celebration for a @babarazam258 ODI 100.
He is so good to watch today (and everyday) 👏🏼#BoysReadyHain l #PAKvAUS pic.twitter.com/toP8CaSf0U— Pakistan Cricket (@TheRealPCB) March 31, 2022
اوپنر فخر زمان 67 رنز بنا کر نمایاں رہے، محمد رضوان 23 رنز بنا کر آؤٹ ہوئے، خوشدل شاہ 27 رنز کے ساتھ ناٹ آؤٹ رہے۔
Khushdil is up to the task!#BoysReadyHain l #PAKvAUS pic.twitter.com/Iqc4NY2lqH
— Pakistan Cricket (@TheRealPCB) March 31, 2022
آسٹریلیا کی جانب سے ایڈم زمپا نے دو وکٹیں حاصل کیں، نیتھن ایلس اور مارکس اسٹونس ایک، ایک وکٹ حاصل کرسکے۔
An incredible century by an incredible player!
The dressing room celebrates a @babarazam258 masterclass 👏👏#BoysReadyHain l #PAKvAUS pic.twitter.com/cHBHST58lg— Pakistan Cricket (@TheRealPCB) March 31, 2022
اس سے قبل آسٹریلیا نے مقررہ اوورز میں 8 وکٹوں کے نقصان پر 348 رنز بنائے اور پاکستان کو جیت کے لیے 349 رنز کا ہدف دیاتھا۔
بین میکدر میٹ نے شاندار 104 رنز کی اننگز کھیلی، ٹریوس ہیڈ 89 رنز کے ساتھ نمایاں رہے، مارنوس لبوشین بھی 59 رنز بنا کر آؤٹ ہوئے۔
Green dismissed! @iShaheenAfridi brings up his signature celebration in front of a roaring crowd! \0/#BoysReadyHain l #PAKvAUS pic.twitter.com/wSP0pEf2Iw
— Pakistan Cricket (@TheRealPCB) March 31, 2022
کپتان ایرون فنچ بغیر کوئی رن بنائے پویلین لوٹ گئے، مارکس اسٹونس نے 49 رنز کی برق رفتار اننگز کھیلی۔
کیمرون گرین اور الیکس کیری 5، 5 رنز بناسکے، شان ایبٹ 28 رنز بنا کر شاہین شاہ آفریدی کا نشانہ بنے۔
Second wicket for @Wasim_Jnr! Alex Carey goes back. #BoysReadyHain I #PAKvAUS pic.twitter.com/9yNbPKsoBn
— Pakistan Cricket (@TheRealPCB) March 31, 2022
پاکستان کی جانب سے شاہین شاہ آفریدی نے چار کھلاڑیوں کو پویلین کی راہ دکھائی، محمد وسیم نے دو، زاہد محمود اور خوشدل شاہ نے ایک، ایک وکٹ حاصل کی۔
Wait up, @HarisRauf14’s got it.
4 wickets for @iShaheenAfridi 👏🏼 #BoysReadyHain l #PAKvAUS pic.twitter.com/3Gxqk0vY5F— Pakistan Cricket (@TheRealPCB) March 31, 2022
اس سے قبل قذافی اسٹیڈیم میں کھیلے جارہے دوسرے ایک روزہ میچ میں قومی ٹیم کے کپتان بابراعظم نے ٹاس جیت کر مہمان ٹیم کو پہلے بیٹنگ کرنے کی دعوت دی تھی۔
کپتان بابراعظم نے کہا کہ وکٹ اچھی لگ رہی ہے اسی لئے ٹاس جیت کر پہلے فیلڈنگ کا فیصلہ کیا، ٹیم میں تبدیلی سے متعلق کپتان کا کہنا تھا کہ دوسرے ون ڈے میچ کے لئے ٹیم میں ایک تبدیلی کی گئی ہے، حسن علی کی جگہ شاہین شاہ آفریدی ٹیم میں شامل کئے گئے ہیں۔
یہ بھی پڑھیں: گرین شرٹس آسٹریلیا سے حساب چکانے کیلئے تیار
کینگروز کپتان ایرون فنچ نے اپنی گفتگو میں کہا کہ اگر ہم بھی ٹاس جیتنے میں کامیاب ہوتے تو پہلے بولنگ کرتے، اب اچھا ٹوٹل بناکرپاکستان پر دباؤ ڈال سکتےہیں۔
فنچ کا کہنا تھا کہ ٹیم میں کوئی تبدیلی نہیں کی گئی ہے۔
واضح رہے کہ آسٹریلیا کو تین میچوں پر مشتمل سیریز میں ایک صفر کی برتری حاصل ہے ، اس سے قبل آسٹریلیا بینو قادر ٹیسٹ سیریز بھی اپنے نام کرچکی ہے۔
