The news is by your side.

Advertisement

ویمنز ایشیا کپ: پاکستان نے ملائیشیا کو 147 رنز سے شکست دے دی

کوالالمپور: ویمن ٹی ٹوئنٹی ایشیا کپ میں پاکستان نے ملائیشیا کو باآسانی 147 رنز سے شکست دے دی، ندار ڈار کو پلیئر آف دی میچ قرار دیا گیا۔

تفصیلات کے مطابق کوالالمپور میں کھیلے جانے والے میچ میں ملائیشیا نے ٹاس جیت کر پہلے بولنگ کرنے کا فیصلہ کیا جو غلط ثابت ہوا، پاکستان ٹیم نے مقررہ 20 اوورز میں بسمہ معروف کی شاندار نصف سنچری کی بدولت 177 رنز بنائے۔

ہدف کے تعقب میں ملائیشیا کی پوری ٹیم صرف 30 رنز پر ڈھیر ہوگئی، ملائیشیا کی جانب سے ایک کھلاڑی درائی سنگھم 11 رنز بنا کر نمایاں رہیں، ندار ڈار نے پانچ رنز دے کر چار کھلاڑیوں کو پویلین کی راہ دکھائی جبکہ ثنا میر کی حصے میں ایک وکٹ آئی۔

قبل ازیں پاکستان ویمنز ٹیم نے پہلے کھیلتے ہوئے بسمہ معروف کے شاندار 63 رنز اور ندا ڈار نے برق رفتار 27 گیندوں پر 41 رنز کی اننگز کھیلی، ملائیشیا کی اینا ہاشم نے ایک وکٹ حاصل کی۔

ندا ڈار کو شاندار آل راؤنڈ کارکردگی پر میچ کا بہترین کھلاڑی قرار دیا گیا، قومی ٹیم کا اگلا میچ 9 جون کو روایتی حریف بھارت سے ہوگا۔

واضح رہے کہ گرین شرٹس اس سے قبل سری لنکا کو باآسانی شکست دی تھی جبکہ ٹورنامنٹ میں قومی ٹیم صرف ایک میچ میں بنگلا دیش کے ہاتھوں شکست کا سامنا کرنا پڑا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں