کراچی: پاکستان کی خوبصورتی اور ویلنَس (Wellness) سے متعلق مصنوعات بنانے والی کمپنیاں خطے کی سب سے بڑی اور بااثر نمائش بیوٹی ورلڈ مڈل ایسٹ 2025 میں بھرپور انداز میں شرکت کرنے جا رہی ہیں۔ یہ نمائش 27 سے 29 اکتوبر 2025 تک دبئی ورلڈ ٹریڈ سینٹر میں منعقد ہوگی۔
یہ اپنی 29ویں ایڈیشن میں داخل ہونے والی نمائش دنیا بھر کے بیوٹی پروفیشنلز کے لیے ایک اہم مرکز بن چکی ہے ، جس میں 75,000 سے زائد وزیٹرز اور تقریباً 2,400 نمائش کنندگان (Exhibitors) شریک ہوں گے۔ پاکستانی برآمد کنندگان، مینوفیکچررز اور ڈسٹری بیوٹرز کے لیے یہ تین روزہ ایونٹ ایک شاندار موقع ہے کہ وہ بین الاقوامی خریداروں سے ملاقات کریں، نئی مارکیٹس دریافت کریں، اور پاکستان کی بیوٹی انڈسٹری کی بہترین مصنوعات پیش کریں۔
اس سال پاکستان کی 40 کمپنیاں بیوٹی ورلڈ مڈل ایسٹ میں اپنی مصنوعات پیش کریں گی، جو اس نمائش میں ملک کی سب سے نمایاں شرکتوں میں سے ایک ہے۔ ان میں سے 16 کمپنیاں ٹریڈ ڈویلپمنٹ اتھارٹی آف پاکستان (TDAP) کی معاونت سے پاکستان پویلین میں شریک ہوں گی
