The news is by your side.

Advertisement

نوجوانوں کیلئے بڑی خبر، عالمی سطح پر پاکستان کو ایک اور بڑا اعزاز مل گیا

اسلام آباد : پاکستان شنگھائی تعاون تنظیم کی یوتھ کونسل کا مستقل رکن بن گیا، عثمان ڈار نے کہا نوجوان اب”ایس سی او” کی یوتھ کونسل اجلاس میں شریک ہوسکیں گے۔

تفصیٰلات کے مطابق وزیراعظم عمران خان کی نوجوانوں کےلئےاقدامات کی زبردست پذیرائی ہوئی اور عالمی سطح پر پاکستان کو ایک اور بڑا اعزاز مل گیا۔

پاکستان شنگھائی تعاون تنظیم کی یوتھ کونسل کا مستقل رکن بن گیا، شنگھائی تعاون تنظیم نے پاکستان کے دفتر خارجہ کو آگاہ کر دیا ہے۔

وزیراعظم کے معاون خصوصی عثمان ڈار اس حوالے سے جاری ویڈیو بیان میں کہا کہ پاکستان کے لئے اچھی خبر ہے جسے نوجوانوں سے شیئرکرنا چاہتا ہوں، آج پاکستان کو”ایس سی او”کا مستقل رکن بنا دیا گیا ہے، یہ سب حکومتی اقدامات،وزیراعظم کی کوششوں کے نتیجے ممکن ہوا۔

عثمان ڈار کا کہنا تھا کہ وزیراعظم کا کامیاب جوان پروگرام، یوتھ کونسل کا قیام درست فیصلہ تھا، نوجوان اب”ایس سی او” کی یوتھ کونسل اجلاس میں شریک ہوسکیں گے اور اسکل ڈویلپمنٹ کے پروگرامز میں نوجوانوں کی شرکت ممکن ہوسکے گی۔

معاون خصوصی نے اس اہم پیشرفت پروزیرخارجہ اوردفترخارجہ کی ٹیم کا بھی شکریہ ادا کیا۔

یاد رہے چند روز قبل وزیراعظم عمران خان نے کامیاب جوان پروگرام کا دوسرا مرحلہ فوری شروع کرنے کی منظوری دی تھی ، دوسرے مرحلے کے لئے مارک اپ 6 سے کم کرکے3فیصد کر دیا گیا ہے اور قرض کی زیادہ سے زیادہ حد 50 لاکھ سے بڑھا کر ڈھائی کروڑ کر دی گئی ہے۔

معاون خصوصی عثمان ڈار نے کہا تھا نوجوان کاروبار کیلئے 1لاکھ سے ڈھائی کروڑ تک قرض لے سکیں گے، فیصلہ کورونا کے باعث معیشت کو درپیش چیلنجز کے پیش نظر کیا گیا، جو نوجوان مالی مشکلات کا شکار ہیں وہ پروگرام سے بھرپور فائدہ اٹھائیں۔

Comments

یہ بھی پڑھیں