The news is by your side.

Advertisement

پاکستان سےعازمین حج کی حجاز مقدس روانگی کا سلسلہ شروع

اسلام آباد : پاکستان سےعازمین حج کی حجازمقدس روانگی کا سلسلہ شروع ہو گیا ، اسلام آباد اور لاہور سے خصوصی حج پروازیں روانہ ہوئیں۔

تفصیلات کے مطابق پاکستان سے عازمین کو حجاز مقدس پہنچانے کے لیے حج آپریشن کا آغاز ہوگیا، روڈ ٹو مکہ’ اقدام کے تحت پہلی پرواز پیر کی صبح نیو اسلام آباد ایئرپورٹ سے روانہ ہوئی۔

پی کے 747 کی پرواز 320 حجاج کو لے کر صبح 3:30 بجے مدینہ کے لئے روانہ ہوئی ، اس بار پاکستانی عازمین حج کو جدہ کے ہوائی اڈے پر امیگریشن کیلئے قطاریں نہیں لگانی پڑے گی، سعودی عرب نے روڈ ٹو مکہ’ کے تحت پاکستانی عازمین حج کی امیگریشن کارروائی پاکستان میں ہی مکمل کی۔

پاکستان میں امیگریشن کی کارروائی مکمل ہونے سے عازمین حج جدہ ایئرپورٹ پر رکے بغیر ہوٹل روانہ ہوں گے۔

دوسری جانب لاہور ایئرپورٹ پر پہلی نجی ایئرلائن کی خصوصی حج پرواز لاہور سے دو سو عازمین کو لے کر مدینہ منورہ روانہ ہوئی، گورنر پنجاب بلیغ الرحمان نے عازمین حج کو رخصت کیا۔

لاہورائیرپورٹ سے سعودی ایئرلائن کی پروازسے 300 سے زائدعازمین حجاز مقدس روانہ ہوئے، لاہورائیرپورٹ منیجرچوہدری نذیرسمیت دیگراعلیٰ حکام نےعازمین کو رخصت کیا۔

کوئٹہ سے پی آئی اے کے حج فلائٹ آپریشن کا آغاز ہوگیا ، کوئٹہ سے پی آئی اے کی پرواز پی کے 2003سے164 حجاج کوئٹہ سےمدینہ روانہ ہوئے

ترجمان کا کہنا ہے کہ سرکاری حجاج کی پروازوں کاسلسلہ6سے13جون تک اور پرائیویٹ حجاج کی روانگی19 سے27 جون تک جاری رہے گی۔

یاد رہے وزارت مذہبی امور کے ترجمان کا کہنا تھا کہ 106 حج پروازوں کے ذریعے 32 ہزار عازمین کو سعودی عرب پہنچایا جائے گا اور روڈ ٹو مکہ منصوبے کے تحت اسلام آباد سے 42 پروازیں چلائی جائیں گی۔

واضح رہے سعودی عرب کی 5 ملکوں کیلئے ایک مرتبہ پھر’روڈ ٹو مکہ منصوبے‘کی سہولت سے فائدہ اٹھانے والوں میں پاکستان کے عازمین حج بھی شامل ہوں گے ، امیگریشن، کسٹم سمیت دیگرسہولتیں اپنےملک میں فراہم کی جائیں گی۔

سعودی وژن2030 کے تحت چوتھے سال بھی پروگرام برقرار رکھا ہے، سعودی عرب پہنچنے پر عازمین حج براہ راست مکہ اپنی قیام گاہ پہنچا دیئے جائیں گے۔

Comments

یہ بھی پڑھیں