The news is by your side.

Advertisement

باؤلنگ کنسلٹنٹ کل ٹیم سے کیوں الگ ہو جائیں گے؟

قومی کرکٹ ٹیم کے باؤلنگ کنسلٹنٹ ویرنن فیلنڈر کل اسکواڈ سے علیحدہ ہوجائیں گے۔

کوویڈ 19 وائرس کے باعث فلائیٹ آپریشن کی بندش کی وجہ سے ویرنن فیلنڈر اب جلد جنوبی افریقا روانہ ہورہے ‏ہیں۔

ویرنن فیلنڈر پیر اور منگل کی درمیانی شب بنگلہ دیش سے جنوبی افریقہ روانہ ہوں گے ابتدائی طور پر ویرنن ‏فیلنڈر نے پہلے ٹیسٹ کے بعد یکم دسمبر کو ڈھاکہ سے کیپ ٹاؤن روانہ ہونا تھا۔

میچ کے تیسرے روز بھی مقررہ اوورز مکمل نہ ہونے کی وجہ سے میچ کا چوتھا روز پیر کی صبح 9:57 (بنگلا ‏دیش ٹائم) پر شروع ہوگا۔

واضح رہے کہ چٹاگانگ ٹیسٹ میں شاہینوں نے پلٹ کر وار کرتے ہوئے پہلی اننگز میں خسارے میں جانے کے ‏بعد دوسری اننگز میں بنگلادیش کے ٹاپ آرڈر کو پویلین لوٹا دیا۔

میزبان ٹیم نے دوسری اننگز کا آغاز 44 رنز کی برتری کے ساتھ کیا لیکن حریف بلےباز بھی حسن اور شاہین کے وار ‏‏سے نہ بچ سکے، بنگلادیش کے 4 کھلاڑی صرف 25 رنز پر پویلین لوٹ گئے۔

Comments

یہ بھی پڑھیں