The news is by your side.

Advertisement

پاکستان نے کشمیری قیدیوں کی رہائی کا مطالبہ کردیا

اسلام آباد: ترجمان دفتر خارجہ عائشہ فاروقی کا کہنا ہے کہ عالمی برادری بھارت پر زور ڈالے کہ تمام سیاسی قیدیوں کو رہا کیا جائے۔

تفصیلات کے مطابق ترجمان دفتر خارجہ عائشہ فاروقی نے کہا کہ کرونا وائرس کے باعث کشمیری قیدی شدید مشکلات کا شکار ہیں، مقبوضہ کشمیر میں کرونا سے 2 اموات بھی ہوئی ہیں۔

ترجمان کے مطابق پاکستان نے کشمیری قیدیوں کی رہائی کا مطالبہ کیا ہے،ہزاروں کشمیری نوجوان،صحافی،کشمیری رہنما،بھارتی جیلوں میں قید ہیں، بیشتر افراد نامعلوم مقامات پر قید کیے گئے ہیں۔

عائشہ فاروقی کا کہنا ہے کہ سینئر حریت قیادت مختلف جیلوں میں بند ہے، حریت رہنما یاسین ملک، آسیہ اندرانی دیگر جعلی الزامات پر جیلوں میں بند ہیں۔

ترجمان دفتر خارجہ کا کہنا تھا کہ عالمی برادری انسانی حقوق کی بدترین پامالیوں کا نوٹس لے، مواصلات کی پابندیوں کو ختم، میڈیکل، ضروری سامان کی اجازت دی جائے۔

عائشہ فاروقی نے کہا کہ عالمی برادری بھارت پر زور ڈالے کہ تمام سیاسی قیدیوں کو رہا کیا جائے اور مقبوضہ کشمیر سے بھارتی فوج بھی واپس بلائی جائے۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1526 تک جا پہنچی ہے ،وائرس سے اب تک 14 افراد جاں بحق اور 29 مریض صحت یاب ہوچکے ہیں۔

fb-share-icon0
Tweet 20

Comments

comments

یہ بھی پڑھیں