The news is by your side.

Advertisement

کاروباری برادری وزیر اعظم کے ایجنڈے کی غیر مشروط حمایت کرتی ہے: عاطف اکرام شیخ

اسلام آباد: فیڈریشن آف پا کستان چیمبرز آف کامرس اینڈ انڈ سٹر ی (ایف پی سی سی آئی) کے قائم مقام صدر عاطف اکرام شیخ نے کہا ہے کہ ملک بھر کی کاروباری برادری وزیر اعظم عمران خان کے ایجنڈے کی غیر مشروط حمایت کرتی ہے۔

ان خیالات کا اظہار انہوں نے کاروباری برادری سے گفتگو کرتے ہوئے کیا، عاطف اکرام شیخ کا کہنا تھا کہ پاکستان کی تقدیر بدلنے کے لیے وزیر اعظم سے ہر ممکن تعاون کیا جائے گا۔

انہوں نے کہا کہ حکومت کی جانب سے متعارف کروائی جانے والی اصلاحات سے ملکی معیشت میں انقلاب آ جائے گا۔

پاکستان کی اقتصادی سمت درست تاہم رفتار سست ہے: امریکی سرمایہ کاروں کا موقف

ان کا کہنا تھاکہ وزیر اعظم عمران خان پاکستان کو ترقی یافتہ، پر امن اور باعزت ملک بنانے کے لیے پر عزم ہیں اور کاروباری برادری نے ان سے بڑی توقعات وابستہ کر رکھی ہیں۔

قائم مقام صدر ایف پی سی سی آئی کا کہنا تھا کہ بزنس کمیونٹی سوئس بینکوں اور دیگر ممالک میں موجود کئی سو ارب ڈالر کی فوری واپسی کی خواہاں ہے، جس سے ملک کے اقتصادی مسائل حل ہو جائیں گے اور تعمیر و ترقی کے نئے دور کا آغاز ہو گا۔

عاطف اکرام شیخ کا مزید کہنا تھا کہ مقامی سطح پر ٹیکس کا پوٹینشل جمع ہونے والے محاصل سے کئی گنا زیادہ ہے، جس کو یقینی بنانے کے لیے ایف بی آر میں اصلاحات کے عمل کو تیز کرنا ہوگا۔

Comments

comments

یہ بھی پڑھیں